Napad Rasii na krainu NATA mahčymy praź piać-vosiem hadoŭ — Minabarony Niamieččyny
«My čujem pahrozy z Kramla amal kožny dzień — apošnim časam znoŭ u adras našych siabroŭ u krainach Bałtyi. Tamu my pavinny ŭličvać, što Uładzimir Pucin moža adnojčy navat napaści na adnu z krain NATA», — zajaviŭ ministr abarony Niamieččyny Barys Pistoryus u intervju haziecie Tagesspiegel.
«Našy ekśpierty miarkujuć, što heta było b mahčyma ŭ časavym pramiežku ad piaci da vaśmi hadoŭ», — skazaŭ jon, adznačyŭšy, što nie ličyć napad imaviernym ciapier.
Ministr zaklikaŭ pryniać miery zaściarohi zahadzia, u pryvatnaści ŭzmacniŭšy abaronnuju pramysłovaść. Akramia taho, jon užo vyłučaŭ ideju ab uviadzieńni abaviazkovaj vajskovaj słužby, adpaviednuju prapanovu jon čakaje ad svajho ministerstva da krasavika. Ministr zajaviŭ, što hatovy adkryć dostup va ŭzbrojenyja siły dla sałdat bieź niamieckaha pašparta.
«My nie budziem pieršymi ŭzbrojenymi siłami ŭ Jeŭropie, jakija zrobiać heta», — skazaŭ Pistoryus. U krainie jość ludzi, jakija ŭ druhim ci trecim pakaleńni žyvuć u Niamieččynie, ale pakul nie majuć niamieckaha hramadzianstva, zaznačyŭ jon.
«My pavinny chutka ŭmacavać naš abaronny patencyjał u śviatle vastryni pahrozy», — skazaŭ Pistoryus.
U kancy śniežnia Bild sprahnazavała, što napad Rasii na krainy NATA moža adbycca ŭžo nastupnaj zimoj.
Mastaki Ščamialova i Rymašeŭski ŭ SIZA pa narodnym artykule
Kamientary