Mikita Miełkazioraŭ pachvaliŭsia ŭ instahramie novym siabram, jakoha nabyŭ bolš čym za 1000 jeŭra
Błohier i aŭtar prajekta «Žyćcio-malina» Mikita Miełkazioraŭ prademanstravaŭ u svaim instahramie, na što pramianiaŭ 5 tysiač złotych (heta kala 4150 rubloŭ ci 1150 jeŭra). Heta biaskonca miły sabaka.
Mikita pažartavaŭ u ryłs, što nabyćcio sabaki — heta čaćviortaja stadyja raźvićcia adnosin (idzie paśla źjaŭleńnia ahulnaha akaŭntu ŭ spocifaj). Parodu jon vybraŭ davoli redkuju — pci-brabanson. Heta dekaratyŭnaja paroda, jakaja naležyć da hrupy maleńkich bielhijskich sabak (zvyčajna jany važać ad 3 da 6 kiłahramaŭ, a maksimalny rost u karku — 26 santymietraŭ). Nazva ŭtvorana ad bielhijskaj pravincyi Brabante, dzie była vyviedziena paroda.
Amatary pci-brabansonaŭ śćviardžajuć, što ŭ hetych sabak vielmi vyraznyja vočy i aktyŭnaja mimika. Hadavaniec Mikity atrymaŭ proźvišča Fudžy.
U kamientaryjach błohier pryznaŭsia, što nie razhladaŭ varyjant uziać sabaku z prytułku.
Ščaniuk zachapiŭ storys svajho ŭładalnika. Zdajecca, nie biez zamiłavańnia šoŭmien raspaviadaje, što Fudžy paluje na čałaviečyja nohi, sprabuje źbiehčy padčas prahułki, a taksama nie hublaje nadziei ŭnačy ŭskočyć na łožak haspadaroŭ.
«Mnie amal 36 hadoŭ, u mianie vyšejšaja adukacyja, 19 hadoŭ stažu, fluarahrafija i adna emihracyja, a ja baŭlu viečar, molačysia, kab heta voś papiła vady i pasikała» — pryznaŭsia Mikita ŭ storys.
Mikita padkreśliŭ, da rašeńnia zavieści sabaku staviŭsia z usioj adkaznaściu i rychtavaŭsia da źjaŭleńnia ŭ svaim domie čatyrochłapaha hadavanca.
Papularny tyktokier z Rasii tusić u darahich restaranach Minska: «Byccam bamžu padali. Žarycie, na zdaroŭje»24
Kamientary