U Varšavie zatrymali šaściarych biełarusaŭ, jakija pratestavali suprać ŁHBT-parada
Pavodle infarmacyi byłoha palitviaźnia i dobraachvotnika va Ukrainie Cichana Klukača, hetyja biełarusy sprabavali zładzić niejkuju kontrakcyju padčas Paradu Roŭnaści, jaki siońnia prajšoŭ u Varšavie pad patranatam prezidenta horada Rafała Tšaskoŭskaha.
«Razam z palakami jany vyjšli ŭ abaronu tradycyjnych kaštoŭnaściaŭ, u abaronu našaj supolnaj budučyni — budučyni Jeŭropy», — napisaŭ Cichan Klukač.
Za što mienavita hetych ludziej zatrymali, jon nie piša, ale ŭpeŭnieny, što «kryminalny składnik u dziejańniach našych tradycyjanalistaŭ vidavočna adsutničaje».
Sioleta ruch ŁHBT+ u Polščy raskałoŭsia, tamu zamiest adnaho prajdu ŭ Varšavie ŭ červieni ładziacca ažno try. Pieršy adbyŭsia 8 červienia, druhi prajšoŭ siońnia, 15-ha, a 22 červienia maje prajści jašče adzin.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść14
Kamientary