Pachaładańnie, viecier i daždžy. Jakim budzie nadvorje na hetym tydni
Sinoptyk Dźmitry Rabaŭ papiaredziŭ pra pachaładańnie, viecier i zalevy ŭ Biełarusi z 29 lipienia pa 4 žniŭnia 2024 hoda.
U apošnija dni lipienia viecier pamianiaje svoj napramak na paŭnočna-zachodni, i ŭ Biełaruś pačnuć pastupać bolš prachałodnyja pavietranyja masy.
Tempieratura panizicca i navat stanie krychu nižejšaj za klimatyčnuju normu. Pry hetym na praciahu ŭsiaho tydnia buduć naziracca vahańni atmaśfiernaha cisku: tamu nadvorje budzie niaŭstojlivym, kožny dzień isnuje vierahodnaść karotkačasovych daždžoŭ, nie vyklučany navalnicy. Z pačatkam apošniaha letniaha miesiaca tempieratura pavietra znoŭ pačnie pastupova pavialičvacca.
U pačatku tydnia na nadvorje paŭpłyvajuć atmaśfiernyja franty i bolš chałodnyja vilhotnyja pavietranyja masy z Bałtyki. Jany adznačacca ŭ bolšaści rajonaŭ daždžami roznaj intensiŭnaści, navalnicami. Vilhotnaść da 90%. Viecier paŭnočna-zachodni, umierany, pry navalnicach paryvisty. Tempieratura pavietra nočču ad +10 da +16°C, dniom u paniadziełak ad +14°C pa poŭnačy da +24°C pa paŭdniovym uschodzie, u aŭtorak ad +18°C u Homieli da +25°C u Hrodnie.
U siaredzinie tydnia za kiravańnie nadvorjem voźmucca čarhovy atmaśfierny front i vilhotnyja pavietranyja masy. U bolšaści rajonaŭ krainy karotkačasovyja daždžy, miescami navalnicy, najbolš intensiŭnyja pa paŭnočna-ŭschodniaj pałovie Biełarusi.
Tempieratura nočču ad +10 da +16°C. Siońnia ŭ sieradu ad +18 da +24°C.
Pavodle papiarednich prahnozaŭ, u pačatku druhoj pałovy tydnia mieteaŭmovy stanie vyznačać čarhovy atmaśfierny front z zachadu Jeŭropy. Viecier zachodniaj čverci, umierany. Unačy ad +11 da +17°C. Siońnia ŭ čaćvier i ŭ piatnicu da +25°C.
U pieršyja vychodnyja žniŭnia čakajecca pieramiennaja vobłačnaść, biez łakalnych daždžoŭ i navalnic nie abydziecca. Viecier paŭdniova-zachodni, paŭdniovy, umierany. Vilhotnaść da 80 pracentaŭ. Unačy ad +13 da +17°C, dniom u subotu i ŭ niadzielu ad +24 da +31°C.
Siastra Kaleśnikavaj prapanavała ŭ Bruseli try kroki, jakija treba zrabić dla vyzvaleńnia palitviaźniaŭ23
Kamientary