Biełarusa, jakomu Šviecyja admoviła ŭ prytułku, zatrymali na radzimie
Mužčynu ź Biełarusi, jakomu mihracyjnaja słužba Šviecyi admoviła ŭ prytułku, zatrymali z palityčnych matyvaŭ pa viartańni na radzimu, pra heta paviedamiła Sveriges Radio, zaŭvažyła «Svaboda».
Adznačajecca, što jon prybyŭ u Šviecyju z maci dva hady tamu. Prytułku jany paprasili, bo «aboje ŭdzielničali ŭ šyrokamaštabnych akcyjach pratestu paśla prezidenckich vybaraŭ 2020 hoda».
Pavodle infarmacyi vydańnia, u zajavach na atrymańnie mihracyjnaha statusu havorycca, što ŭ Biełarusi na maci i syna zaviali kryminalnuju spravu i «jany bajacca, što ich pasadziać u turmu».
Niahledziačy na heta, ich prašeńni adchilili.
Heta adbyłosia jašče ŭ 2023 hodzie, a na minułym tydni, jak śćviardžajecca, mužčynu i jahonuju maci departavali sa Šviecyi ŭ Biełaruś.
U publikacyi havorycca, što biełarusa «aryštavali prosta na miažy». Pra los žančyny nie paviedamlajecca.
Advakat Stefan Kryścič, jaki pradstaŭlaŭ intaresy niekalkich biełaruskich prośbitaŭ ab prytułku, u kamientary vydańniu adznačyŭ, što šmat chto z šukalnikaŭ «paciarpieŭ», bo mihracyjnaja słužba Šviecyi «da niadaŭniaha času aceńvała ich prašeńni na padstavie sastarełaj infarmacyi».
Šviedskaje mihracyjnaje ahienctva «raniej krytykavali za vykarystańnie sastarełaj infarmacyi ab palityčnych represijach u Biełarusi», adznačajecca ŭ publikacyi. Pry hetym u lutym sioleta apublikavanyja novyja źviestki, jakija «jasna pakazvajuć, jak uzmacnilisia represii [u Biełarusi] i jak ludziej usio jašče karajuć za ŭdzieł u pratestach čatyry hady tamu».
Jak piša «Pozirk», 5 žniŭnia ŭ Vilni na kanfierencyi «Novaja Biełaruś» pradstaŭnik narodnaj ambasady ŭ Šviecyi Dźmitryj Vaserman paviedamiŭ, što letaś bolš za sto biełarusaŭ paprasili statusu ŭciekača ŭ Šviecyi, a dali jaho tolki traim.
«Heta nie aznačaje, što ŭsich astatnich vysyłajuć u Biełaruś, pakolki niekatoryja abskardžvajuć [sudovyja rašeńni], niekatoryja jeduć u inšyja krainy, i hetak dalej», — padkreśliŭ jon.
-
Śpiavak Hierman Citoŭ chamić Aleksijevič: Ty pavinna być z Łukašenkam na «vy» i šeptam
-
Manaški sa Śviata-Jelisaviecinskaha manastyra znoŭ u Jeŭropie. Na hety raz handlujuć u polskim Ščecinie
-
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku27
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary