Błohierka-jabaćka vyjšła zamuž za prapahandysta z «Minskaj chvali»
Pra źmieny ŭ asabistym žyćci Ściuša Tajm — adna z błohierak, jakija zmahli raskrucicca, dziakujučy demanstratyŭnamu «patryjatyzmu» ŭ 2020 hodzie — raspaviała ŭ svaim instahramie.
Žanicha sabie dziaŭčyna vybrała tych ža palityčnych pohladaŭ. Vasil Daniłaŭ pracuje prapahandystam na radyjo «Minskaja chvala». Siarod rubryk ź jaho ŭdziełam jość, naprykład, padkast «Nie miaški varočać». U im Daniłaŭ z prostymi, ale ideałahična vyvieranymi ludźmi, abmiarkoŭvaje roznyja temy — ad abstanoŭki na zachodniaj miažy Biełarusi da vybaraŭ u ZŠA.
U adroźnieńnie ad inšych prapahandystaŭ, jakija rabili sioleta maštabnyja i vielmi darahija viasielli, (naprykład, reparciorka BT Lidzija Zabłockaja i viadučaja Anastasija Rudskaja), hetaja para zrabiła ŭsio ścipła. Spačatku schadzili ŭ ZAHS Centralnaha rajona Minska, potym Ściuša Tajm krychu patančyła niepadaloku ad cyrka i paśpiavała ź siabroŭkaj pieśniu Iryny Alehravaj «Svadiebnyje ćviety», a potym nievialikaja kampanija pasiadzieła ŭ kafe «Biarozka».
Pavinšavać maładzionaŭ u kamientaryjach u instahramie paśpiašalisia ŭsie zorki prapahandy — ad Kanstancina Prydybajły da Aleny Łanskoj.
Nahadajem: Ściuša (sapraŭdnaje imia Nastaśsia Savickaja) pačała zajmacca błohinham jašče da 2020 hoda, ale zaŭvažyli jaje dziakujučy prajavam «patryjatyzmu».
Jak kazała sama dziaŭčyna, u žniŭni 2020 hoda jana nie zmahła zmaŭčać, choć da hetaha zajmałasia zabaŭlalnym kantentam.
«U mianie maci i baćka piedahohi, byli ŭ vybarčaj kamisii. Pačaŭsia žachlivy chiejt, pahrozy. Tady skazała baćkam: «Nie chvalujciesia, ja profi, hod u internecie», — i pačała zapisvać roliki», — raskazvała błohierka ŭ adnym ź intervju.
Dziaržprapahanda jaje zaŭvažyła. Tak sa studzienia 2021 hoda pačałasia jaje televizijnaja karjera na STB. Paralelna z pracaj na telekanale dziaŭčyna praciahvała ŭdzielničać u praŭładnych mierapryjemstvach i aŭtaprabiehach. Nastaśsia vykładała foty z Natallaj Ejsmant i videaabdymkaŭ z Łukašenkam.
Na čaćviorty dzień paśla pačatku vajny Ściuša apublikavała videa, dzie paziruje z rasijskim ściaham pad trek Aleha Hazmanava «Vpieriod, Rośsija!» (ciapier jano niedastupna).
Z časam miesca dla «patryjatyčnaha» kantentu ŭ stužkach Ściušy Tajm amal nie zastałosia. Viasnoju minułaha hoda zaviaršyłasia i televizijnaja karjera dziaŭčyny.
Nastaśsia pajšła ŭ biznes. U šapcy profila ŭ instahramie jana nazyvaje siabie ekśpiertam pa prasoŭvańni biznesu i asabistaha brendu ŭ ŚMI i sacyjalnych sietkach. Ale ž jaje pracoŭnaja knižka lažyć na tym samym radyjo «Minskaja chvala», dzie pracuje jaje ciapier užo muž Vasil Daniłaŭ. Anastasija Savickaja aficyjna pracuje tam śpiecyjalistkaj pa raźvićci.
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?
U Hrodnie sotnia čałaviek zmahałasia za bukiet niaviesty. Pryčym jany nie byli haściami na viasielli
Śpiavak Piotr Jałfimaŭ znoŭ ažaniŭsia
Kolki sioleta kaštuje zrabić viasielle ŭ Minsku? Realnyja ličby ad tych, chto niadaŭna schadziŭ u ZAHS
Zdajuć u arendu katedž zahinułaha chakieista Cypłakova. Voś interjery FOTY14
Kamientary
Svadiebnoje požiełanije—zasuń siebie svoju rososiju vpierdie ,choť čiem-to siebia ukrasiš. Tak-to niečiem bolšie.