Duraŭ zajaviŭ, što Telegram supracoŭničaje z pravaachoŭnymi orhanami ŭžo 6 hadoŭ
«Mahło padacca, što moj papiaredni post abviaščaje pra surjozny zruch u pracy Telegram. Ale na samoj spravie mała što źmianiłasia», — napisaŭ uładalnik miesiendžara Pavieł Duraŭ u svaim akaŭncie.
Duraŭ patłumačyŭ, što z 2018 hoda Telegram raskryvaŭ pravaachoŭnym orhanam «IP-adrasy / numary telefonaŭ złačyncaŭ u adpaviednaści z našaj palitykaj kanfidencyjnaści ŭ bolšaści krain».
«Kožny raz, kali my atrymlivali pravilna aformleny jurydyčny zapyt pa adpaviednych kanałach, my praviarali jaho i raskryvali IP-adrasy / numary telefonaŭ niebiaśpiečnych złačyncaŭ. Hety praces pačaŭsia zadoŭha da minułaha tydnia», — padkreśliŭ jon.
«Kab paźbiehnuć błytaniny, na minułym tydni my spraścili i ŭnifikavali našu palityku kanfidencyjnaści ŭ roznych krainach. Ale našy asnoŭnyja pryncypy nie źmianilisia. My zaŭsiody imknulisia vykonvać adpaviednyja miascovyja zakony, kali jany nie supiarečyli našym kaštoŭnaściam svabody i kanfidencyjnaści», — raskazaŭ Duraŭ pra źmieny.
«My nie dazvalajem złačyncam złoŭžyvać našaj płatformaj abo paźbiahać pravasudździa», — reziumavaŭ jon.
Pierad hetym, 23 vieraśnia, Pavieł Duraŭ napisaŭ, što kamanda miesiendžara Telegram abnaviła ŭmovy nadańnia pasłuh i palityku kanfidencyjnaści.
«IP-adrasy i numary telefonaŭ tych, chto parušaje našy praviły, mohuć być raskryty adpaviednym orhanam u adkaz na abhruntavanyja jurydyčnyja zapyty», — havaryłasia ŭ tym paviedamleńni.
Telegram budzie vydavać uładam IP-adrasy i numary telefonaŭ parušalnikaŭ
Jakija źviestki pra nas zachoŭvaje Telegram i što moža źmianicca dla karystalnikaŭ, kali jon stanie raskryvać ich śpiecsłužbam?
Raskazvajem, jak mahčyma ŭznaŭlać čaty ŭ Telegram i jak ad hetaha abaranicca
Duraŭ nazvaŭ paryžskim śledčym svoj zarobak
Maci traich dziaciej Durava nazvała Telegram sumiesna nažytaj majomaściu i namiaknuła, što moža padać u sud
Što viadoma pra biełarusa Viktara Paviełku, jakoha ŭ Polščy padazrajuć u arhanizacyi napadaŭ na rasijskich apazicyjanieraŭ1
Kamientary