Hrodna staić na vušach paśla pryznańnia papularnaha haradskoha sajta «ekstremisckim». Ale na hetym nie skončyłasia
Samy papularny hrodzienski infarmacyjny partał s13 pierastaŭ abnaŭlacca z 23 kastryčnika. Paźniej stała viadoma, što jaho pryznali «ekstremisckim», a ŭłaśnika i hałoŭnaha redaktara partała Siarhieja Čaboćku zatrymali. Masavyja adpiski pačalisia i ŭ inšych miedyja. Haradžanie kažuć, što daŭno nie bačyli ŭ Hrodnie takoha kipišu. «Naša Niva» daviedałasia bolej, što adbyvajecca.
Što saboj ujaŭlaŭ s13.ru?
Infarmacyjny partał s13.ru nie adzin hod byŭ samym papularnym siarod haradziencaŭ. Jaho nazyvali miascovym Tut.by.
Ułasnaha kantentu na haradskim sajcie było nie šmat. Z bolšaha jon pracavaŭ jak navinavy ahrehatar.
Stvaralnik i hałoŭny redaktar partała — haradzieniec Siarhiej Čaboćka.
Pa infarmacyi «Našaj Nivy», Siarhieja zatrymali 23 kastryčnika. Z taho ž dnia sajt pierastaŭ abnaŭlacca, a 25 kastryčnika hałoŭredu prysudzili 15 sutak administracyjnaha aryštu. Padstavaj dla hetaha nibyta stali zdymki ŭ archiŭnych artykułach, na jakich byŭ naniesieny łahatyp inšaha ŚMI, pryznanaha «ekstremisckim farmavańniem».
Uvieś horad na vušach
Z 25 kastryčnika s13.ru pryznali «ekstremisckim».
Navina narabiła šmat šumu ŭ horadzie. Ludzi kažuć, što apošnija try dni heta samaja važnaja padzieja ŭ Hrodnie, jakuju abmiarkoŭvajuć našmat aktyŭniej, čym pryznačeńnie daty prezidenckich vybaraŭ 2025 hoda.
Ciaham vychadnych mnohija haradžanie, niahledziačy na ryzyku, vykazvalisia ŭ sacsietkach, što ŭ šoku ad takich navin. Možna było nie ŭdakładniać, pra što havorka, — u horadzie ŭsie adrazu razumieli.
Zaklik adpisacca ad s13 u lubych sacsietkach i miesiendžarach raspaŭsiudžvali ŭ tym liku ŭ pracoŭnych čatach na bujnych dziaržaŭnych pradpryjemstvach.
Parady vydalić łajki i kamientary ludzi rassyłali taksama pamiž saboj. Niekatoryja surazmoŭcy pryznajucca, što navat znajomyja milicyjanty zvanili im i nahadvali, kab tyja adpisalisia i pieradali inšym.
Pa infarmacyi Hrodna.life, papiaredžvać pra zabaronu partała s13.ru pačali jašče da źjaŭleńnia publičnaj infarmacyi ab pryznańni jaho «ekstremisckim». U čatach škoł i himnazij pahražali pastanoŭkaj siamiej na ŭlik — kali baćkoŭ pryciahnuć za raspaŭsiud «ekstremisckich materyjałaŭ».
Haradžanie kažuć, što daŭno nie bačyli ŭ Hrodnie takoha kipišu.
Adpisvajucca dziasiatki tysiač čałaviek
Za niekalki dzion ad akaŭnta s13 u instahramie adpisalisia bolš za 40 tysiač čałaviek.
Kali da minułaha tydnia tam naličvałasia kala 95 tysiač padpisčykaŭ, to ŭ paniadziełak zastałosia mienš za 55 tysiač. Jak pakazvajuć danyja servisu trendhero, kala 70% aŭdytoryi akaŭnta składali žychary Hrodna.
U telehramie za try dni ad s13 adpisałasia kala 7 tysiač karystalnikaŭ. Jašče ŭ čaćvier ich było 15 600, a ŭ paniadziełak zastałosia mienš za 9 tysiač.
Adkul takaja dziŭnaja nazva i čamu ŭ sajta rasijski damien?
Partał pačynaŭsia jak błoh, jaki nahadvaŭ resurs fishki.net.
«U dalokim 2005 hodzie ja vypadkova vyjhraŭ u internecie damien i chościnh na hod. Ja nie ŭjaŭlaŭ, što heta i navošta mnie heta patrebna, ale vyrašyŭ zarehistravać damien na imia, jakoje było źviazanaje z maim nikam», — raskazvaŭ raniej u intervju Siarhiej Čaboćka.
Litaralna praz dva tydni paśla zapusku s13 na sajcie źjaviŭsia kamientar z paradaj pryśviacić jaho navinam Hrodna, a nie rabić sajtam, na jakim pościać toje, što možna znajści na inšych resursach.
Stvaralnik prysłuchaŭsia da parady i ŭ karotkija terminy pierafarmavaŭ sajt.
Tamu nie varta šukać niejkich schavanych sensaŭ jak u samoj naźvie sajta, tak i ŭ damienie ru.
Masavyja adpiski zakranuli nie tolki s13.ru
Tryvožnaści haradziencam dadaje toje, što ŭ niekatorych rassyłkach, aproč s13.ru, zhadvalisia i inšyja partały — aŭtamabilny autogrodno.by i navinavy newgrodno.by. Pisałasia, što nibyta ich taksama pryznali «ekstremisckimi», choć heta nie tak.
Praz čutki sacsietki vydańniaŭ pačali imkliva hublać aŭdytoryju.
Tak, naprykład, instahram-akaŭnt autogrodno.by za hetyja dni straciŭ kala 13 tysiač padpisčykaŭ. Kali da minułaj piatnicy ŭ ich było bolš za 92 tysiačy padpisčykaŭ, to ŭ paniadziełak zastałosia 79. Adpiski praciahvajucca.
Partał newgrodno.by za vychadnyja straciŭ pryblizna pa 1000 padpisčykaŭ u instahram i telehram.
Sami vydańni nijak nie kamientujuć situacyju. Ich sajty i sacsietki abnaŭlajucca.
Siłaviki pahražajuć Čaboćku
Blizki da hrodzienskich siłavikoŭ telehram-kanał apublikavaŭ dopis, pryśviečany s13 i jaho hałoŭredu Siarhieju Čaboćku.
Partał vinavaciać u tym, što, budučy samym papularnym u Hrodnie resursam, u 2020 hodzie jon aktyŭna publikavaŭ materyjały praciŭnikaŭ režymu, a ŭładam i «patryjotam» nibyta admaŭlaŭ u raźmiaščeńni navin.
«S13 pa fakcie pieratvaryŭsia ŭ navinavy ahrehatar prychilnikaŭ pieramienaŭ, i pra heta viedajuć usie», — pišuć u kanale, blizkim da hrodzienskich siłavikoŭ.
Aproč hetaha, sajt vinavaciać u tym, što jaho zahałoŭki byli nie ŭ dziaržaŭnym klučy.
«Mienavita praz zahałovak na s13 časta źmianiali staŭleńnie čytačoŭ da materyjałaŭ dziaržaŭnych mas-miedyja», — śćviardžajuć siłaviki.
Raspravu nad sajtam u kanale nazyvajuć «niepryjemnym siurpryzam dla ŭsich hrodzienskich chistalnikaŭ».
«Da siońniašniaha dnia ŭ ich rukach była važkaja infarmacyjnaja placoŭka, jakaja, jak pakazaŭ 2020 hod, hatovaja była zabiaśpiečyć papularnaść luboj idei «zmaharoŭ». Ciapier jaje niama», — zakančvajuć svoj dopis siłaviki.
«Naša Niva» — bastyjon biełaruščyny
PADTRYMAĆPapularny tyktokier z Rasii tusić u darahich restaranach Minska: «Byccam bamžu padali. Žarycie, na zdaroŭje»22
Kamientary
Jaki intarnet, taki i damien.
Oni dumajut čto riešili problemu, no na samom diele, niet)))