U Izraili pamior čałaviek, jaki pakaraŭ śmierciu nacysckaha złačyncu Adolfa Ejchmana
Šałom Nahar, jaki vykanaŭ śmiarotny prysud u dačynieńni da Adolfa Ejchmana, pamior va ŭzroście 86 hadoŭ. Ejchman — adzin z hałoŭnych architektaraŭ Chałakosta — byŭ paviešany 31 maja 1962 hoda. Heta adzinaje ŭ sučasnaj historyi Izraila pryviedzienaje ŭ vykanańnie śmiarotnaje pakarańnie. Asoba Nahara doŭhi čas trymałasia ŭ tajamnicy z-za pahroz pomsty, piša Bild.
Ahienty Masada zatrymali byłoha obieršturmbanfiurera SS Adolfa Ejchmana ŭ Arhiencinie ŭ 1960 hodzie i tajemna dastavili ŭ Izrail dla suda.
Naharchavieli, jaŭrejski imihrant ź Jemiena, byŭ pryznačany adnym z 22 achoŭnikaŭ złačyncy. Jamu, u pryvatnaści, davodziłasia sprabavać ježu Ejchmana, kab vyklučyć mahčymaść atručvańnia.
Rašeńnie ab pryznačeńni Nahara katam było pryniata losavańniem, pakolki dobraachvotnikaŭ nie znajšłosia. Padčas pakarańnia Ejchman admoviŭsia ad paviazki na vočy, paprasiŭšy tolki kielich vina.
«Ja stajaŭ ź im sam-nasam u pakoi ŭ apošni raz i, jak zaŭsiody, hladzieŭ jamu prosta ŭ vočy», — uspaminaŭ Šałom Nahar.
Paśla pakarańnia złačyncy śmierciu jon pajšoŭ u adstaŭku, pryśviaciŭšy astatniaje žyćcio relihii. Nahar staŭ rabinam i da kanca žyćcia zajmaŭsia vyvučeńniem Tory.
Zdajuć u arendu katedž zahinułaha chakieista Cypłakova ŭ Drazdach. Voś interjery FOTY14
Kamientary