Baćku, jaki adsudziŭ dvaich dziaciej u žonki i viarnuŭsia ź Bielhii ŭ Biełaruś, sudziać za zhvałtavańnie niepaŭnaletnich
Miedyja pisali pra jaho jak pra čałavieka ź ciažkim losam. Ciapier Jaŭhiena sudziać pa vielmi dziŭnaj kryminalnaj spravie — pa nie samych lohkich častkach artykułaŭ «zhvałtavańnie» i «hvałtoŭnyja dziejańni seksualnaha charaktaru».
Jaŭhienu K. 61 hod. Jon rodam z Rasii, ale maje hramadzianstva Biełarusi. Jaho historyju raspaviadali niekalki hadoŭ tamu roznyja miedyja. Mužčyna žyŭ u Bielhii, ale ŭ 2016 hodzie raźvioŭsia z žonkaj, adsudziŭ u joj dziaciej i viarnuŭsia ŭ Biełaruś. U Jaŭhiena dvoje dziaciej — paŭnaletniaja dačka i niepaŭnaletni syn.
Pa źviestkach prajekta Digital intelligence team, historyju mužčyna nie vydumaŭ — jon sapraŭdy raniej žyŭ u Bielhii, tam ža naradzilisia i jahonyja dzieci. Praŭda, dakładna nieviadoma, kali viarnuŭsia sam mužčyna.
Jon raspaviadaŭ miedyja, što jahonaja žonka pra dziaciej zusim nie kłapaciłasia i nie płaciła alimientaŭ, a zvaroty ŭ sud ničoha nie davali.
Praz hod paśla viartańnia Jaŭhienu dali kvateru pa lhotnym kredycie, pahasić jaho jon musiŭ u 2035 hodzie. U 2019 hodzie mužčyna ŭziaŭ u kredyt na 12 hadoŭ Lada Largus i pajšoŭ pracavać u taksi.
U vyniku jon akazaŭsia ŭ niezajzdrosnaj situacyi — zachvareŭ i nie moh pracavać dy płacić pa kredytach. Jaŭhien raspaviadaŭ, što za daŭhi ŭ jaho kanfiskujuć mašynu i apisali majomaść u domie. Nasustrač siamji pajšoŭ tolki bank, jaki davaŭ kredyt na žytło i daŭ adterminoŭku.
Nieviadoma, jak sapraŭdy žyła siamja. Naprykład, u milicejskich rapartach jość infarmacyja pra toje, što dačka Jaŭhiena sychodziła z domu.
Admietna, što dzieci mužčyny ŭ niejki momant vydalili jaho ź siabroŭ u sacsietkach.
Što zdaryłasia dalej — nieviadoma. K. źnik z usich sacsietak i telehrama paśla 30 sakavika 2024 hoda. Da hetaha jon u asnoŭnym šukaŭ infarmacyju, jak zarabić hrošy.
U pačatku śniežnia 2024 hoda jaho pačynajuć sudzić. Pieršyja dva artykuły strašnyja:
- «zhvałtavańnie, ździejśnienaje abo asobaj, jakaja raniej ździejśniła dziejańni, praduhledžanyja artykułam 167 KK abo zhvałtavańnie niepaŭnaletniaj» (č. 2 art. 166 KK),
- «dziejańni seksualnaha charaktaru, ździejśnienyja nasupierak žadańniu paciarpiełaha z prymianieńniem hvałtu ci pahrozaj jaho prymianieńnia albo z vykarystańniem biezdapamožnaha stanu paciarpiełaha paŭtorna abo ŭ dačynieńni da niepaŭnaletniaha» (č. 2 art. 167 KK),
- «niezakonnyja dziejańni ŭ dačynieńni ahniastrelnaj zbroi, bojeprypasaŭ i vybuchovych rečyvaŭ» (č. 2 art. 295 KK).
Apošni artykuł moža tłumačycca prosta — Jaŭhien zajmaŭsia skarbašukalnictvam. Pa dvuch astatnich ničoha nie jasna. Pra spravu nie pisali ni siłaviki, ni niezaležnyja miedyja.
«Naša Niva» — bastyjon biełaruščyny
PADTRYMAĆPiedafiły šukajuć achviar na papularnaj stryminhavaj płatformie. Jana dazvalaje im nazirać za dziećmi ŭ žyvym efiry
«Skazaŭ chłopčyku, što bačyć u im akciorskija danyja». Viadomaha minskaha artysta sudziać pa piaci artykułach za piedafiliju
Čamu ŭ Biełarusi stali vykryvać bolš piedafiłaŭ? Adkazvaje śledčy
Što viadoma pra biełarusa Viktara Paviełku, jakoha ŭ Polščy padazrajuć u arhanizacyi napadaŭ na rasijskich apazicyjanieraŭ6
Kamientary
Čuš dietiektied! V Bielhii takoje nie vozmožno,ieśli supruh otkazyvajetsia płatiť,to vmiesto nieho płatit hosudarstviennaja kontora,kotoraja potom,v svoju očieried́,raźbirajetsia s niepłatielŝikom.