U Rečycy hramadziancy Hruzii pahražajuć departacyjaj — za toje, što «ŭvažliva sačyła i repościła naviny ŭ 2020-m»
Cyra Pryjma zamužam za biełarusam, u ich dvoje dziaciej. Ciapier siamju mohuć raździalić, piša «Fłahštok».
Hramadzianka Hruzii Cyra Pryjma žyvie ŭ Rečycy ŭžo 10 hadoŭ. Pra jaje nie raz pisali miascovyja dziaržaŭnyja vydańni i sajt rajvykankama: žančyna časta pradstaŭlała horad na roznych spabornictvach pa biehu.
27 listapada Cyru sudzili za reposty «ekstremisckich» materyjałaŭ. Rašeńnie suda zastajecca nieviadomym, ale jak minimum na nastupny dzień žančyna była na svabodzie i abnaŭlała svoj instahram.
Nieaficyjny telehram-kanał rečyckaj milicyi ciapier pahražaje žančynie departacyjaj za toje, što jana «ŭ 2020 hodzie ŭvažliva sačyła» za infarmacyjnymi resursami, jakija potym abviaścili «ekstremisckimi», i rabiła reposty.
Viadoma, što ŭ toj samy dzień za reposty sudzili i Vasila Pryjmu — vidavočna, muža Cyry. Kanał siłavikoŭ piša, što «kurortny raman ź biełaruskim biznesoŭcam pierarastaŭ u šlub», jaki pryvioŭ uradženku Batumi ŭ Rečycu.
Sužency vychoŭvajuć dvaich dziaciej, ale ciapier siamju mohuć raździalić. Zakanadaŭstva dazvalaje departavać zamiežnikaŭ, jakija atrymali administracyjnaje pakarańnie.
Mastaki Ščamialova i Rymašeŭski ŭ SIZA pa narodnym artykule
Kamientary