13 śniežnia pamior režysior filma «Hud baj, Lenin!» Volfhanh Biekier, piša The Hollywood Reporter sa spasyłkaj na jaho siamju. Biekieru było 70 hadoŭ, a pamior jon ad ciažkaj chvaroby.
Trahikamiedyja «Hud baj, Lenin!», źniataja ŭ 2003 hodzie, raskazvaje historyju bierlinskaj siamji, što žyła ŭ HDR. U joj maci nadoŭha trapiła ŭ komu, a vyjšła ź jaje ŭžo paśla padzieńnia Bierlinskaj ściany i krachu kamunizmu. Jaje syn, nie žadajučy tryvožyć maci, jakaja nie vychodzić z kvatery, nie kaža joj pra abjadnańnie Hiermanii i stvaraje dla jaje śviet, u jakim HDR usio jašče isnuje: pieraapranajecca ŭ tuju ž vopratku, kuplaje tuju ž ježu i navat zdymaje «vypuski navin» ź minułaha.
«Hud baj, Lenin!» atrymaŭ mnostva nacyjanalnych uznaharod, a taksama byŭ pryznany najlepšym filmam Jeŭrasajuza ŭ 2004 hodzie na kinapremii «Siezar».
Sam Biekier naradziŭsia ŭ FRH i vyvučaŭ kino ŭ Zachodnim Bierlinie. U 1994 hodzie jon staŭ suzasnavalnikam Bierlinskaj pradziusarskaj kampanii X Filme Creative Pool razam sa svaimi siabrami — režysiorami Tomam Tykvieram i Dani Levi i pradziusaram Stefanam Arndtam.
Kamientary
Tolki voś Lenin ŭvaskros ŭ Eŭrakałhasie