Bujnyja ščupaki i samy dla biełaruskich rybakoŭ choć i pryjemny ŭłoŭ, ale całkam zvykły. Kudy bolš cikavy trafiej zdabyŭ žychar Babrujska, jaki vyvudziŭ z Prypiaci vializnaha sudaka, piša Fishing.by.
Sudak, jakoha złaviŭ babrujec, całkam moža pretendavać na rekord — masa asobiny skłała bolš za 7,7 kiłahramaŭ, daŭžynia — 85 santymietraŭ.
«U paniadziełak 9 śniežnia ja parybačyŭ na race Prypiać u rajonie Žytkavickaha mosta. Za dzień było tolki dźvie pakloŭki, i druhaja akazałasia niezabyŭnaj — na vobler uziaŭsia pryhažun sudak. Z rybaj pryjšłosia dobra taki «pabadacca» padčas vyvožvańnia, ale ŭsio ž jana zdałasia. Heta było niešta, doŭha nie moh addychacca paśla taho, jak sudak apynuŭsia ŭ łodcy. Moj asabisty rekord!» — raskazaŭ mužčyna.
Sudaki takich pamieraŭ u biełaruskich vadajomach sustrakajucca ŭ adzinkavych ekzemplarach, tamu złavić takuju rybinu zaŭsiody ličyłasia vialikaj rybackaj udačaj.
Znojdzieny samy ŭdačlivy rybak Biełarusi: za hadzinu jon vyłaviŭ u Minsku dźvie 18-kiłahramovyja rybiny
Rybak z Rahačova złaviŭ u Dniapry «dahistaryčnaha ščupaka»
U Mahiloŭskaj vobłaści vyłavili 15-kiłahramovaha ščupaka. Dastavali z vady amal hadzinu
Pad Połackam mužčyna łaviŭ rybu, a złaviŭ čarapachu
Kala Aŭstralii złavili sieladcovaha karala. Kažuć, što heta nie na dabro
Vyjšła na svabodu Antanina Kanavałava, davieranaja asoba Cichanoŭskaj u 2020 hodzie1
Kamientary