Цяпер Google можа перакладаць тэкст з малюнкаў у інтэрнэце
Функцыя выкарыстоўвае тэхналогію AR Translate ад Google Lens.
Інтэрнэт-перакладчык Google цяпер можа канвертаваць тэкст з выяваў. Ён выкарыстоўвае тую ж тэхналогію, што і інструмент AR Translate для Google Lens, які выконвае пераклады ў рэальным часе на смартфонах.
Вы знойдзеце опцыю на вэб-сайце Google Translate, дзе ўверсе вы ўбачыце новую кнопку «Відарысы». Пасля загрузкі фота ці скрыншота з вашага камп'ютара з'яўляецца пераклад. Вэб-інтэрфейс змяшчае опцыі для капіявання тэксту, загрузкі перакладзенай выявы або яе выдалення. Акрамя таго, ён пералічвае 113 даступных зыходных моў (можа іх аўтаматычна вызначаць) і 133 мовы прызначэння.
Engaget тлумачыць, што надпіс «Lens translate» (ці «Перакладзена з дапамогай Аб'ектыва») пад вынікам перакладу паказвае, што тут выкарыстоўваюцца тыя ж «генератыўныя спаборніцкія сеткі» (GAN), якія забяспечваюць функцыянаванне інструмента AR Translate для Google Lens.
Нягледзячы на тое, што Lens дае магчымасць перакладаць выявы на мабільных прыладах на працягу ўжо некалькіх гадоў, апошняя версія праграмы выкарыстоўвае тэхналогію Magic Eraser, якая дэбютавала на смартфонах Pixel 6 і якая дапамагае перакладу выглядаць так, быццам ён замяняе арыгінальны тэкст, а не накладаецца зверху.
На сустрэчы Снапкова з бізнэсам адзін з запрошаных заклікаў зняць відэазварот «Надо!» Як адрэагавалі астатнія?12
Каментары