Эканоміка44

Працадаўцы не хочуць браць на працу зумераў — вось чаму тыя правальваюць сумоўі

Даследчыкі адзначаюць, што ў тых, каму цяпер да 25 гадоў, праблемы не толькі з камунікацыяй.

Фота Andrey Rudakov Bloomberg via Getty Images

Зумеры правальваюць сумоўі з-за праблем з камунікацыяй. Пра гэта гаворыцца ў новым даследаванні, арганізаваным у снежні 2023 года групай Intelligent з Нью-Джэрсі, у межах якога апыталі больш за 800 кадравікоў, расказвае Fox News. 

Даследаванне паказала, што амаль 75% кіраўнікоў кампаній і менеджараў сказалі, што з прадстаўнікамі пакалення Z (то-бок з людзьмі, якія нарадзіліся пасля 1997 года) цяжэй працаваць, чым з прадстаўнікамі іншых пакаленняў. Шэраг апытаных таксама пагадзіліся з тым, што работнікам пакалення Z бракуе камунікатыўных навыкаў, стараннасці, матывацыі і нават тэхналагічных навыкаў.

Амаль 20% працадаўцаў сутыкаліся з сітуацыямі, калі нядаўнія выпускнікі прыходзілі на сумоўе з бацькамі.

Зумеры ўвогуле часта правальваюць сумоўі праз праблемы з камунікацыяй. Яны мямляць, не глядзяць у вочы, запрошваюць неадэкватныя заробкі, неадпаведна апранаюцца на інтэрв’ю, а на анлайн-гутарках адмаўляюцца ўключаць камеру або зусім спрабуюць пазбегнуць перамоваў з эйчарам.

Два з трох менеджараў мяркуюць, што работнікі пакалення Z не вытрымліваюць працоўных нагрузак, у той час як 60% сказалі, што маладыя людзі часта спазняюцца на працу і часта не ўкладаюцца ў дэдлайны. А яшчэ яны вельмі крыўдлівыя і не ўмеюць належна ўспрымаць крытыку ў свой адрас.

20% апытаных менеджараў і кіраўнікоў сутыкаліся з сітуацыяй, калі ім даводзілася звальняць супрацоўніка з пакалення Z на працягу тыдня або месяца пасля таго, як ён толькі распачаў працу.

Па словах эйчараў, з прычыны праблем з камунікацыяй у зумераў кампаніі ўсё часцей аддаюць перавагу спецыялістам у гадах. Каля 60% працадаўцаў заявілі, што гатовыя прапанаваць дадатковыя льготы і плаціць больш высокія заробкі, каб прыцягнуць больш сталых працаўнікоў, а не нядаўніх выпускнікоў.

Эксперты адзначаюць некалькі прычын, у тым ліку змены ў культуры і выхаванні дзяцей. 62% вінавацяць «культуру», 50% — бацькоў, 48% — COVID, 46% — настаўнікаў. Цяпер дзецям сталі зашмат дазваляць і шмат у чым патураць. Таксама праблемам паспрыяла пандэмія, у час якой людзі менш камунікавалі.

Некаторыя эксперты абараняюць маладых работнікаў, сцвярджаючы, што выгаранне закранае ўсе ўзроставыя групы. Яны выступаюць за тое, што варта болей укладацца ў навучанне маладых спецыялістаў замест таго, каб адразу іх звальняць. 

Каментары4

  • циник
    19.01.2024
    А еще по большей части такое впечатление что это кретины и умственно отсталые
  • Час ідзе ляціць
    19.01.2024
    Генерацыя Альфа падрастае, так што рыхтуемся да яшчэ больш глыбокага пагружэння.
  • Стоп рашизм!
    17.02.2024
    Всех этих Zетак и Vетак надо бы выкинуть из социальной жизни на мусорку истории!

Вынеслі прысуд докшыцкаму пярэваратню ў пагонах Згірскаму2

Вынеслі прысуд докшыцкаму пярэваратню ў пагонах Згірскаму

Усе навіны →
Усе навіны

Ці можа быць у палітвязня Сцяпана Латыпава цынга? Адказвае былы турэмны доктар3

Ізраіль нанёс авіяўдары па Дамаску. І заняў частку тэрыторыі Сірыі на Галанскіх вышынях14

ЦВК анансаваў настольную гульню пра беларускія выбары6

У велізарным бункеры брата Башара Асада знайшлі залаты Каран ВІДЭА6

«Беларушчыны засталося на тры дні?..» Не, так ужо ніколі не будзе13

«Я баялася, што здымкі будуць праходзіць на рускай мове»15

Сірыйскія паўстанцы ўвайшлі ў Тартус, дзе знаходзіцца адзіная расійская ваенна-марская база ў рэгіёне13

МЗС Расіі перастала называць сірыйскіх паўстанцаў тэрарыстамі — цяпер кажуць пра апазіцыю6

Прапаганда казала, што Польшча зайздросціць Беларусі, бо ў яе няма касманаўта. Хутка будзе, і гэта сапраўдны навуковец3

больш чытаных навін
больш лайканых навін

Вынеслі прысуд докшыцкаму пярэваратню ў пагонах Згірскаму2

Вынеслі прысуд докшыцкаму пярэваратню ў пагонах Згірскаму

Галоўнае
Усе навіны →