Урад Чада заявіў, што ў сераду вечарам сілы бяспекі прадухілілі спробу дэстабілізацыі краіны. Паблізу офіса прэзідэнта ў сталіцы Нджамене чуліся стрэлы, а прылеглыя вуліцы былі перакрыты войскамі, паведамляе «Радыё Свабода».
Прадстаўнік урада Абдэраман Куламалах сказаў, што сітуацыя цалкам пад кантролем, не ўдаючыся ў падрабязнасці таго, што адбылося. «Гэта быў невялікі інцыдэнт… усё спакойна», — сказаў ён перад відэакамерамі.
Крыніца ў службе бяспекі апісала інцыдэнт як спробу тэрарыстычнага акта. «Людзі на трох аўтамабілях атакавалі вайскоўцаў, размешчаных вакол офіса прэзідэнта, але армія іх нейтралізавала», — паведаміла крыніца на ўмовах ананімнасці.
Падзеі серады супалі з афіцыйным візітам у Нджамену міністра замежных спраў Кітая Ван І. Нядаўна ён падпісаў дамову аб супрацоўніцтве з Францыяй у сферы абароны. Чад шмат гадоў заставаўся партнёрам Францыі і саюзнікам Захаду ў барацьбе з ісламскімі баевікамі ў неспакойным рэгіёне Сахель у Заходняй і Цэнтральнай Афрыцы.
Чадам кіруе прэзідэнт Махамат Ідрыс Дэбі, які прыйшоў да ўлады пасля таго, як у 2021 годзе паўстанцы забілі яго бацьку, шматгадовага прэзідэнта Ідрыса Дэбі.
Багаты нафтавымі рэсурсамі Чад застаецца адной з самых бедных краін Афрыкі.
Вы не паверыце, кім аказаўся «выпадковы» баяніст на вакзале, які спяваў пра Лукашэнку25
Каментары