Školnikam, paranienym siońnia ŭ Stoŭbcach, zrabili apieracyju
11.02.2019 / 11:11
U paniadziełak ranicaj u škole №2 u Stoŭbcach školnik 2003 hoda naradžeńnia napaŭ na nastaŭnicu i vučniaŭ. Nastaŭnica i adzin vučań zahinuli, jašče dvoje vučniaŭ špitalizavanyja. Napadnik zatrymany.
Pres-sakratar Ministerstva achovy zdaroŭja Julija Baradun udakładniła BiełTA, što dva paciarpiełyja chłopcy ŭžo praapieravanyja. Zaraz jany znachodziacca ŭ Staŭbcoŭskaj centralnaj rajonnaj balnicy. Dla kansultacyj vyjechali śpiecyjalisty z vobłaści.
«Raspačata kryminalnaja sprava pa fakcie zabojstva dvuch čałaviek», — prainfarmavali ŭ SK. Na miesca pryjechaŭ kiraŭnik SK Ivan Naskievič. Na miescy zdareńnia pracuje śledča-apieratyŭnaja hrupa.