Dzikaje zdareńnie adbyłosia 11 lutaha ŭ siaredniaj škole № 2 u Stoŭbcach (Minskaja vobłaść). Vučań 10 «B» kłasa Vadzim M. napaŭ z nažom na nastaŭnicu historyi i hieahrafii dy adnakłaśnikaŭ.
Nastupstvy ciažkija. Jak stała viadoma «Našaj Nivie», nastaŭnik i adzin z vučniaŭ pamierli. Dvoje vučniaŭ z ranieńniami — u reanimacyi, usiaho paranienyja piaciora školnikaŭ.
Nastaŭnicy Marynie Parchimovič było 53 hady.
Na miesca zdareńnia pryjechaŭ kiraŭnik Śledčaha kamiteta Ivan Naskievič.
«Pavodle papiarednich źviestak, padazravany ŭ napadzie vučań 10-ha kłasa pryjšoŭ u škołu kala 7.40. Jon pastaviŭ partfiel i vyjšaŭ z kabinieta. Potym viarnuŭsia i napaŭ na nastaŭnicu historyi, jakaja pavinna była vieści pieršy ŭrok. Za piedahoha pasprabavali ŭstupicca dva adnakłaśniki. Jany atrymali ranieńni. Paśla hetaha padazravany vybieh z kłasa, i zajšoŭ u susiedni kabiniet, dzie napaŭ na vučnia 11-ha kłasa. 17-hadovy školnik u vyniku napadu zahinuŭ», — paviedamiŭ aficyjny pradstaŭnik Śledčaha kamiteta Siarhiej Kabakovič.
Adzinaćcikłaśnika, jaki zahinuŭ, zvali Alaksandr.
Napadnik źbieh, vyskačyŭšy praz akno druhoha paviercha. Jaho zatrymali ŭ horadzie a 10.14 supracoŭniki kryminalnaha vyšuku pry padtrymcy AMAPa, paviedamiła MUS u tvitary.
Dziaciej da momantu zatrymańnia padletka trymali ŭ škole.
Znajomyja charaktaryzujuć Vadzima M. jak «narmalnaha, zvyčajnaha, spakojnaha». Vučyŭsia, kažuć, narmalna.
Čytajcie taksama
Kamientary