Школьная задачка з тым, каб пераправіць усіх цераз раку. Але ці ўдасца вам яе рашыць?
Давядзецца падумаць, іначай аднаго з герояў з'ядуць ці ён збяжыць, піша «Папулярная механіка».
01.09.2022 / 10:48
Фота: wikimedia.org
Фермер вырасціў лісу, каб абараніць статак курэй. Аднойчы фермер адпраўляецца ў падарожжа, узяўшы з сабой улюбёную лісу, дзве курыцы і велізарны мяшок курынага корму. Калі яны дабраліся да ракі, фермер знайшоў толькі маленькую лодку, у якую не змясціць больш за траіх — улічваючы самога фермера, які мусіць кіраваць лодкай.
Фермер пачынае думаць:
- Я магу пераправіць цераз ручай толькі двух жывёл адначасова;
- Мяшок з кормам велізарны і займае два месцы ў лодцы;
- Баязлівая ліса ўцячэ ў лес, калі яе пакінуць сам-насам з дзвюма курамі;
- Ліса галодная і з'есць курыцу, калі пакінуць іх сам-насам з адной курыцай;
- Куры таксама галодныя, і любая з іх з'есць корм, калі пакінуць корм разам з курамі.
Фермер глядзіць на лодку і цяжка ўздыхае. Як ён можа бяспечна пераправіць ўсю каманду і корм цераз раку?
Падказка: будзьце асцярожныя з мяшком корму! Калі фермер перапраўляе яго цераз раку, усе жывёлы застаюцца без аховы.
Тут адказ — ці вы гатовыя?
У фермера ёсць дзве праблемы, якіх трэба пазбегнуць падчас гэтага маленькага падарожжа. Першая: лісу ніколі нельга пакідаць сам-насам з курыцамі. Другая: ніводная курыца не мусіць застацца сам-насам з кормам.
Каб праілюстраваць ход думак, прасцей за ўсё скласці табліцу. Найперш трэба перамясціць куранятаў.