Paśla ataki na rasijski samalot u Mačuliščach Mazyrski NPZ zakuplaje sistemu nazirańnia za bieśpiłotnikami
Meta zakupki — manitorynh palotaŭ BPŁA, «jakija pahražajuć bieśpierapynnaści technałahičnych pracesaŭ» na MNPZ, zaŭvažyŭ @flagshtok.
04.03.2023 / 12:06
Pa ŭmovach dziaržzakupki MNPZ hatovy addać 1 700 000 rubloŭ (kala 600 000$) za sistemu, jakaja zmoža znachodzić bieśpiłotniki pry dapamozie aptyčnych, łaziernych, radyjołakacyjnych technałohij. Sistema taksama pavinna vyjaŭlać miesca znachodžańnia pulta BPŁA.
U abjavie ab zakupcy nie tłumačycca, što płanujecca rabić z vyjaŭlenymi BPŁA.
Biełaruskija ŭłady admaŭlajuć ataku na aeradrom u Mačuliščach, u vyniku jakoj byŭ paškodžany rasijski samalot A-50.