Выдавецтва «Янушкевіч» анансавала выхад фэнтэзі Алеся Кудрыцкага
Пра тое, што неўзабаве мае выйсці кніга-фэнтэзі Алеся Кудрыцкага «Казік з Каменнай Горкі і Вядзьмак Схаванага Горада», паведамляецца на старонцы выдавецтва «Янушкевіч» ў фэйсбуку.
15.03.2023 / 17:22
«Здалі ў друк неверагоднае фэнтэзі Алеся Кудрыцкага «Казік з Каменнай Горкі і Вядзьмак Схаванага Горада».
Такой файнай, «галівудскай» вокладкі ў нашым выдавецтве яшчэ не было. Нібы на студыі Pixar рабілі… Дзякуем мастачцы Вользе Зароўскай!
Чакайце 15 красавіка цудоўнае фэнтэзі для дзяцей і дарослых. Алесь Кудрыцкі разбудаваў цэлы свет з вельмі арыгінальнымі героямі і прыгодамі, якія не дадуць засумаваць. Упэўненыя, усім, хто любіць Гары Потэра, спадабаецца гэтая кніга», — напісана на старонцы выдавецтва.
Чытайце таксама:
Шэсць месцаў, дзе сёння можна набыць беларускія кнігі ў Польшчы
«Кнігаўка» выдае «Вялікага Гэтсбі» па-беларуску
У магістраце «Кнігаўка» ўжо больш за 300 удзельнікаў. І да яго можна далучацца