36 краін будуць кантраляваць працэс допуску да спаборніцтваў спартсменаў з Беларусі і Расіі
ЗША, Вялікабрытанія, Францыя і яшчэ 33 дзяржавы ў чацвер заявілі ў сумесным лісце, што будуць сачыць за выкананнем рэкамендацый Міжнароднага алімпійскага камітэта адносна магчымага ўдзелу спартсменаў з Расіі і Беларусі ў Алімпійскіх гульнях.
05.05.2023 / 15:48
«Мы будзем уважліва сачыць за выкананнем рэкамендацый МАК і міжнародных спартыўных федэрацый у найбліжэйшыя тыдні. Калі гэтыя пытанні не будуць вырашаныя, мы чакаем, што МАК перагледзіць свой падыход», — гаворыцца распаўсюджаным Дзяржаўным дэпартаментам ЗША лісце.
28 сакавіка МАК выступіў з рэкамендацыяй дапусціць да спаборніцтваў расіян і беларусаў, але толькі ў якасці нейтральных атлетаў. Пры гэтым яны павінны адпавядаць пэўным крытэрыям. Так, да турніраў могуць дапусціць толькі тых, хто не падтрымлівае ваеннае ўварванне Расіі ва Украіну. Акрамя таго, у спаборніцтвах забаронена выступаць спартсменам, якія маюць дачыненне да ўзброеных сіл.
Чытайце таксама:
Міжнародная федэрацыя каноэ дапусціла расіян і беларусаў да спаборніцтваў
Польшча фармуе міжнародную кааліцыю, каб не дапусціць беларусаў і расіян на Алімпіяду