Tannaj Turcyi bolš nie budzie? Što adbyvajecca z cenami na adpačynak?
Dniami cikavaj statystykaj padzialiłasia Asacyjacyja turapierataraŭ Rasii: pryvyčnaja Turcyja raptam trapiła ŭ piaciorku samych darahich krain dla adpačynku. Dla biełarusaŭ «pierałomnym» akazaŭsia minuły hod, kali ceny rezka skoknuli ŭharu i, pa adčuvańniach, praciahvajuć raści. Onliner.by spytaŭsia ŭ ekśpierta, što čuvać u hetym siezonie.
15.08.2023 / 23:32
Fota: Kiryl Balbatunou / vecteezy.com
Samyja darahija napramki siezona: Turcyja ŭviersie śpisa
Tradycyjna Turcyja zastajecca adnym z samych papularnych kirunkaŭ dla biełarusaŭ. A sioleta jana taksama akazałasia ŭviersie śpisa samych darahich kirunkaŭ dla adpačynku z vyletam ź Minska (kali nie brać u raźlik zusim užo ekzotyku). Dalej iduć Jehipiet, Hruzija i AAE.
Siarod napramkaŭ z vyletam z Maskvy samymi darahimi možna nazvać Turcyju, Jehipiet, Šry-Łanku, Hruziju i AAE. Viadoma, amatary luksaŭ pa-raniejšamu mohuć vydatkavać vialikija sumy dzie-niebudź na Kubie abo na rajskich Maldyvach.
«Ale navat na Maldyvach možna znajści adnosna hetaha rehijona (a heta taki «ciažki luks») biudžetny varyjant za 2500 dalaraŭ z vyletam z Maskvy», — kamientuje Bahdan Cahojka, dyrektar sietki dyskaŭntaraŭ haračych turaŭ MakeTravel.
Ale vierniemsia da Turcyi. Čamu jana takaja darahaja?
Ceny na Turcyju skiravalisia ŭharu jašče letaś. Na heta paŭpłyvała adrazu niekalki faktaraŭ: niaprostaja ekanamičnaja situacyja ŭ samoj krainie (u tym liku vysokaja inflacyja), a taksama zakryćcio mnohich inšych kirunkaŭ dla turystaŭ z SND.
Atrymlivajecca, što popyt apiaredžvaje prapanovu. Nielha śpisvać z rachunkaŭ taksama nieabchodnaść rabić ablot i rost cen na paliva. Ad hetaha «paciaželi» i ceny na pucioŭki.
Minułym letam za 10 načej za adnaho čałavieka treba było zapłacić plus-minus 1000 jeŭra. I za hetyja hrošy nie davodziłasia čakać premijalnaha servisu. Kali chočacca łakšery-ŭzroŭniu, pryjdziecca zapłacić u paŭtara-dva razy bolš.
«Rezki skačok cen pačaŭsia ź minułaha hoda, dva hady tamu sapraŭdy tury ŭ Turcyju byli tańniejšyja na 15—20%. Sioleta ceńnik zastaŭsia prykładna na ŭzroŭni minułaha hoda», — adznačaje surazmoŭca.
Čaściej za ŭsio biełarusy ŭ hetym siezonie laciać u Ałaniju i Kiemier, krychu radziej vybirajuć Ehiejskaje ŭźbiarežža, kurorty jakoha ličacca bolš elitnymi.
A možna tańniej?
Prahnozy na ceny adpačynku ŭ Turcyi pakul aściarožnyja. Chutčej za ŭsio, u biahučaj situacyi ceny zastanucca raniejšymi abo vyrastuć u nastupnym siezonie na 3—5%. A voś vosieńniu možna paśpieć aščadzić: tury tańniejuć zvyčajna z kanca vieraśnia — pačatku kastryčnika.
Adnak uličycie ŭmovy nadvorja, kab nie złavacca potym z-za vykinutych na viecier hrošaj. Na Ehiejskim uźbiarežžy chaładaje ŭžo ŭ pačatku vieraśnia. A voś na Mižziemnamorskim — siezon doŭžycca da kanca kastryčnika.
Taksama pradstaŭnik turfirmy raić pryhledziecca da adpačynku ŭ AAE, asabliva ŭ asieńni siezon.
«Kali jašče niekalki hadoŭ tamu adpačynak tam ličyŭsia darahim zadavalnieńniem, to ciapier jon tańniejšy za Turcyju ci Jehipiet. Siońnia možna palacieć u AAE na adpačynak za 1200 dalaraŭ na dvaich na 7 dzion. I nie tolki papieścicca na plažy, ale i pabyvać u horadzie budučyni. Nu i, viadoma, pašopicca. Uvohule, sioleta Emiraty — adzin z chedłajnieraŭ u turyźmie».
Čytajcie taksama:
Ad Turcyi da Maldyvaŭ. Jakija samyja darahija tury kuplajuć biełarusy ŭ hetym siezonie?