Da mahiły Jaŭhiena Pryhožyna ŭ Pieciarburhu pačali puskać naviedvalnikaŭ
Ranicaj 30 žniŭnia achvotnych raźvitacca z zahinułym u vyniku krušeńnia samalota 23 žniŭnia Jaŭhienam Pryhožynym stali puskać da jaho mahiły na Parachaŭskich mohiłkach. Tam zasnavalnika PVK «Vahnier» pachavali napiaredadni ŭ «zakrytym farmacie».
30.08.2023 / 12:46
Fota: Bumaha
Na mohiłkach raźviesili strełki-pakazalniki, jakija viaduć da mahiły. Pa danych «ratondy», ranicaj mahiłu naviedali žonka i dačka Pryhožyna, piša telekanał «Dožd́».
Pobač z mahiłaj stajać dziasiatki viankoŭ, kožny ź jakich — ad svajakoŭ i «bajavych tavaryšaŭ» Pryhožyna. Pry hetym viankoŭ ad dziaržaŭnych viedamstvaŭ i aficyjnych asob niama.
Adna z naviedvalnic mohiłak raspaviała «Fantancy», što jaje syn pracavaŭ u restaranie Pryhožyna, a ciapier jon mabilizavany, ale ŭ bajavych dziejańniach nie ŭdzielničaje. Sa słoŭ žančyny, jana čakała sustreć na mohiłkach natoŭp i ździviłasia, što «narodu mała».
Mužčyna, jaki adnym ź pieršych uskłaŭ kvietki na mahiłu, nazvaŭ hibiel Pryhožyna «kašmaram».
Fota: Bumaha
«U kožnaha ŭ sercy ciapier bol, smutak, bo takich patryjotaŭ, ludziej, jakija realna lubiać svaju radzimu i robiać dla jaje niešta, dla našaj vialikaj krainy, dla Rasii — adzinki», — skazaŭ jon «Fantancy».
Fota: Bumaha
Čytajcie taksama:
Pryhožyna pachavali ŭ Sankt-Pieciarburhu na padkreślena nieprestyžnych mohiłkach
SK Rasii paćvierdziŭ hibiel Jaŭhiena Pryhožyna
Łukašenka: Ja i nie pavinien harantavać biaśpieku Pryhožyna. A vahnieraŭcy «nikudy nie biahuć»