Makarona z brusielskaj kapustaj. Recept i padkazki
Pasta, smak jakoj vyznačajuć časnok, limon, čyli i vendžanaja papryka, dapamoža vam zakachacca ŭ brusielskuju kapustu. Nie ŭsie lubiać brusielskuju kapustu z-za jaje časam harkavataha smaku. Ale reč u tym, kab dobra jaje pryhatavać — i tady hetaja harodnina raskryjecca pierad vami ŭ najlepšym vyhladzie.
18.11.2023 / 08:15
Fota: lazycatkitchen.com
Brusielskaja kapusta maje vielizarnuju karyść dla čałaviečaha arhanizma. Jaje ŭžyvańnie źnižaje ryzyku raku i zachvorvańniaŭ sardečna-sasudzistaj sistemy (naprykład, hipiertanii). Budučym maci rajać uklučać u racyjon brusielskuju kapustu jak krynicu folijevaj kisłaty.
Taksama brusielskaja kapusta utrymlivaje vialikuju kolkaść vitaminu S. Dakazana, što jaje antyaksidanty i inšyja rečyvy paśpiachova zmahaiucca z chraničnymi zachvorvanniami i źnižajuć zapaleńni ŭ arhaniźmie.
Pry hetym mnohija niedalublivajuć hetuju harodninu praz toje, jana časam harčyć. Mahčyma, vam davodziłasia jeści brusielskuju kapustu zasmažanaj da takoj stupieni, što jana pieratvarałasia ŭ sucelnuju kašu i hublała ŭsiaki smak.
Adnak hetaja kryžakvietnaja harodnina raskryjecca pierad vami najlepšym čynam, kali vy dobra jaje pryhatujecie. Voś adzin z mahčymych receptaŭ.
Kab zrabić pastu z brusielskaj kapustaj, spatrebicca:
- 45 mł / 3 stałovyja łyžki aleju
- 2 zubki časnaku, drobna naciortyja
- 250 h brusielskaj kapusty
- sol i čorny pierac
- 200 h spahieci
- ščopać šmatkoŭ čyli (možna i bolš, kali lubicie vostraje)
- 2 stałovyja łyžki panirovačnych sucharoŭ
- 1 stałovaja łyžka charčovych droždžaŭ (pa žadańni)
- 80 mł / 1/3 šklanki viehanskich viarškoŭ (naprykład, aŭsianych abo sojevych), pa žadańni
- sok pałovy limona plus cedra cełaha limona
- ¼-½ čajnaj łyžki sałodkaj vendžanaj papryki
- narezanaja piatruška, dla ŭpryhožvańnia
- 2 stałovyja łyžki zdrobnienych smažanych hreckich arechaŭ dla ŭpryhožvańnia
Jak hatavać:
- Nalicie ŭ nievialikuju misku 2 stałovyja łyžki aleju i dadajcie 2 ciortyja zubki časnaku. Adstaŭcie ŭbok, kab sumieś nastajałasia.
- Razahrejcie duchoŭku da 200°C i vaźmicie vialikuju blachu. Pry žadańni źlohku vyšmarujcie jaje alejem, ale zaściłać papieraj nie abaviazkova.
- Pačyścicie brusielskuju kapustu (zvyčajna treba źniać źniešniaje liście, kali jano vyhladaje niepryvabna, i adrezać samy kaniec ściabła) i narežcie kožnuju hałovačku na 4 kavałki adnolkavaj taŭščyni ŭ kirunku ściabła.
- Zmažcie narezanuju kapustu 1 stałovaj łyžkaj aliŭkavaha aleju i raskładzicie na blasie. Sačycie, kab kavałački kapusty nie pierakryvali adzin adnaho. Prypraŭcie sollu i piercam i zapiakajcie prykładna 15-20 chvilin (pakul jany miescami źlohku nie abvuhlacca), dobra pieramiašajcie praz 10 chvilin.
- Pryhatujcie makaronu «al dente», u adpaviednaści ź instrukcyjami na ŭpakoŭcy. Pakińcie 60 mł (¼ šklanki) vady, jakaja varyłasia, niepasredna pierad tym, jak źlivać makaronu.
- Nahrejcie patelniu z toŭstym dnom na słabym ahni. Kali jano stanie haračym, dadajcie nastojeny na časnaku alej i drobku šmatkoŭ čyli (kali vykarystoŭvajecie).
- Akuratna hatujcie časnok kala 2 chvilin, uvieś čas pamiešvajučy, ale nie dazvalajcie jamu padrumianicca, inakš makarona stanie horkaj na smak. Kali časnok zanadta skvarčyć, vyklučycie ahoń i dajcie jamu pryhatavacca na reštkavym ciaple.
- Dadajcie panirovačnyja suchary, charčovyja droždžy i dobruju ščopać soli i dajcie im absmažycca z časnočnym alejem jašče chvilinu ci kala taho.
- Na hetym etapie vy možacie dadać viehanskija viarški abo śmietankovaje raślinnaje małako, kab zrabić hetuju stravu bolš sakavitaj.
- Kali vy nie vykarystoŭvajecie viarški, ulicie vadu, jakuju pakinuli z varki makarony (mahčyma, jana vam nie spatrebicca ŭsia), kab usie inhredyjenty pieratvarylisia ŭ husty sous. Zapraŭcie limonnym sokam, a zatym pieramiašajcie asušanuju makaronu z časnočnym alejem.
- Prypraŭcie cedraj limona, vendžanaj paprykaj, sollu i piercam i dadajcie smažanuju kapustu.
- Raskładzicie pa dźviuch talerkach, pasypcie siečanaj piatruškaj i smažanymi hreckimi arechami.
Bolš receptaŭ:
Try recepty makarony, jakija varta dadać u mieniu
Prosty johurtny piroh rodam z tureckaj kuchni. Recept i sposab pryhatavańnia