У цэнтры Мінска збіраюцца аднавіць палёты паветраных шароў
Палёты на паветраным шары хочуць аднавіць на мінскім стадыёне «Дынама», заявіў гендырэктар Нацыянальнага алімпійскага стадыёна Аляксандр Бут-Гусаім падчас прэс-канферэнцыі, піша Sputnik.
06.02.2024 / 19:07
Здымак ілюстрацыйны. Фота: Maksim Ladouski / vecteezy.com
Бут-Гусаім адзначыў, што такі вопыт раней ужо быў, але гэтая паслуга вельмі адчувальная да надвор'я і патрабуе доўгай падрыхтоўкі.
«На сённяшні момант у гэтым годзе ў нас ёсць ідэя паспрабаваць зноў правесці пад'ёмы на паветраным шары. Таксама мы плануем на запасным полі «Дынама» правесці шоу паветраных шароў», — сказаў дырэктар стадыёна.
Чакаецца, што апошняе мерапрыемства пройдзе з аркестрам, але без падымання ахвотных.
Улетку 2021 года ахвотных ужо каталі на паветраным шары ў Мінску.
Чытайце таксама:
«Белавія» будзе складаць чорны спіс пасажыраў. Каго туды могуць унесці?
«Там, наверсе, было цудоўна». 104-гадовая жанчына скокнула з парашутам з вышыні 4000 метраў
Пасля трагедыі пад Вілейкай у Беларусі забаранілі лётаць на дэльтапланах, парапланах і аўтажырах