Zapusk paŭnočnakarejskaha spadarožnika-špijona skončyŭsia niaŭdačaj. Rakieta ŭzarvałasia
Zapuskać spadarožnik Pchieńjanu dapamahała Rasija.
28.05.2024 / 08:58
AP Photo/Ahn Young-joon
Rakieta-nośbit z paŭnočnakarejskim spadarožnikam-špijonam uzarvałasia praź niekalki chvilin paśla startu, pryznali ŭ KNDR. Pavodle źviestak Sieuła, zapuskać spadarožnik Pchieńjanu dapamahała RF, u adkaz na dapamohu ŭ vajnie z Ukrainaj, piša Deutsche Welle.
Rakieta-nośbit z paŭnočnakarejskim spadarožnikam-špijonam «Malihien-1-1» nieŭzabavie paśla zapusku «ŭzarvałasia ŭ pavietry na pieršym etapie palotu». Heta pryznała Dziaržaŭnaje ŭpraŭleńnie pa aerakaśmičnaj technicy KNDR. Pavodle źviestak paŭnočnakarejskaha viedamstva, avaryja, tamu što pierastaŭ dziejničać ruchavik.
Vajskoŭcy Paŭdniovaj Karei zafiksavali zapusk rakiety z zachodniaha ŭźbiarežža KNDR pozna ŭviečary 27 maja. U Sieule zajavili, što praź niekalki chvilin paśla mierkavanaha zapusku paŭnočnakarejskaha raźviedvalnaha spadarožnika pranazirali, jak jaho abłomki i abłomki rakiety-nośbita ŭpali ŭ mory blizu taho ž zachodniaha ŭźbiarežža KNDR.
Japonski telekanał NHK pakazaŭ videazapis taho, jak achoplenyja ahniom abłomki — jak miarkujecca, taho samaha spadarožnika — padajuć u mory. U NHK paviedamili, što hetyja kadry byli źniatyja pozna ŭviečary 27 traŭnia z paŭnočna-ŭschodniaha ŭźbiarežža Kitaja. Pierad hetym ułady zaklikali žycharoŭ japonskaha vostrava Akinava pajści ŭ schoviščy, adnak nieŭzabavie papiaredžańnie było admieniena.
Sproba zapusku druhoha paŭnočnakarejskaha spadarožnika-špijona adbyłasia ŭsiaho praź niekalki hadzin paśla samitu ŭ Sieule, na jakim pradstaŭniki Paŭdniovaj Karei, Kitaja i Japonii padpisali sumiesnuju dekłaracyju ab denuklearyzacyi Karejskaha paŭvostrava. KNDR u vieraśni 2023 hoda abviaściła siabie jadziernaj dziaržavaj i ŭ apošnija miesiacy aktyŭna vypraboŭvaje balistyčnyja rakiety, zdolnyja nieści jadziernuju zbroju.
jU KNDR zaćvierdzili paradak demanstracyi partretaŭ troch Kimaŭ
Kim Čen Yn pabudavaŭ raskošny horad dla raspracoŭščykaŭ jadziernaj zbroi