Čamu mnohim nie padabajecca Franak Viačorka?
U novym vypusku TOKu palitołah Juryj Drakachrust daŭ svaju acenku daradcy Śviatłany Cichanoŭskaj Franaku Viačorku.
08.06.2024 / 16:15
Franak Viačorka. Fota z sacyjalnych sietak
Na pytańnie, kaho Drakachrust ličyć samaj mocnaj asobaj u atačeńni Śviatłany Cichanoŭskaj, palitołah nazvaŭ Franaka Viačorku. Pa jaho słovach, Viačorka — «vielmi efiektyŭny, razumny čałaviek».
«My jaho viedali jak miedyja-mieniedžara, miedyja-admysłoŭca. Na našych vačach jon vyras u palityka. Jon mocny palityk. Jaho tak usie ŭsprymajuć».
Pry hetym Drakachrust ličyć, što klučavyja rašeńni Cichanoŭskaja prymaje sama. Ale, dadaje jon, Viačorka nazapasiŭ patencyjał, jaki jon zmoža skarystać niezaležna ad taho, jak pojduć padziei.
Čamu Franak Viačorka mnohim nie padabajecca?
«Heta zajzdraść, pryčym zajzdraść da maładoha, ambicyjnaha, efiektyŭnaha», — miarkuje Drakachrust. I dadaje, źviartajučysia da zajzdrośnikaŭ i krytykaŭ:
«Vy ž heta miesca nie zaniali. Jak havoryć hieroj u adnoj knizie: «Niama darohi svabody. Daroha svabodnaja. Ty možaš iści pa joj, kali možaš». Voś jon zmoh.
Pryjechaŭ i skazaŭ: «Ja prapanuju svaje pasłuhi». Jaho pasłuhi byli pryniatyja i akazalisia vielmi efiektyŭnymi. Nu a inšym heta nie padabajecca. Inšyja, moža, chacieli b zaniać heta miesca. Nu, nie atrymałasia. Zdymaju kapialuš pierad im».
Hladzicie całkam:
«Hihin i Špakoŭski — taksama Biełaruś, my takija, jak jany»
Drakachrust acaniŭ šancy Viktara i Mikałaja Łukašenkaŭ na ŭładu