Як спявае Уладзімір Караткевіч? У інтэрнэце з'явіўся запіс песні ў выкананні пісьменніка
Запіс спеву «Цвярдыня» ў выкананні Уладзіміра Караткевіча, зроблены для мастацкага фільма «Жыццё і ўзнясенне Юрася Братчыка» паводле рамана «Хрыстос прызямліўся ў Гародні», выклалі на ютуб-канале TuzinFM, піша Budzma.org.
13.06.2024 / 21:16
Уладзімір Караткевіч у ролі татарына ў фільме «Жыццё і ўзнясенне Юрася Братчыка»
Запіс зроблены ў 1967 годзе, а фільм трапіў на экраны толькі праз 22 гады.
Даследчык Віктар Сямашка піша:
«Не многія заўважаюць, што Уладзімір Сямёнавіч Караткевіч не толькі напісаў сцэнар да стужкі, але і сыграў дзве эпізадычныя ролі — ксяндза ды татарына. Акром таго, заспяваў за кадрам! Песня ў розных крыніцах пазначаецца як народная альбо як старадаўні гімн.
Хутчэй гэта ўсё ж уласны твор Караткевіча са спасылкай на псалму Давіда, ды выкананы пісьменнікам у лірніцкай манеры, хаця і пад цымбалы. Саўндтрэк да фільма «Жыццё ды ўзнясенне Юрася Братчыка» напісаў кампазітар Алег Каравайчук, ураджэнец Кіева, і ён таксама, дарэчы, зняўся ў эпізодзе. Ад пачатку 60-х да 90-х канцэрты Каравайчука забараняліся, а творы канфіскоўваліся…»
Гігін прызнаўся, што «Каласы пад сярпом тваім» выключылі са школьнай праграмы з яго ініцыятывы