Palitźniavolenaja dyrektarka vilenskaj drukarni Alesia Bunievič vyjechała ź Biełarusi i ŭźjadnałasia ź siamjoj FOTAFAKT
Suzasnavalnica vilenskaj drukarni i kramy A2 Print Alesia Bunievič praviała za kratami bolš za 2 hady.
26.06.2024 / 07:49
Fota ź instahrama Alesi Bunievič
Bunievič apublikavała ŭ instahramie storys z mužam i synam, padpisaŭšy jaho «maje chłopčyki».
Fota ź instahrama Alesi Bunievič
Alesi Bunievič 34 hady. Rodam jana z Maładziečna, dzie žyła da 2021 hoda. U Biełarusi mieła nievialikuju turfirmu, a paśla pierajezdu ŭ Vilniu stała suzasnavalnicaj drukarni i kramy A2 Print. U krasaviku 2022 Alesia časova viarnułasia ŭ Biełaruś.
Nieŭzabavie jaje zatrymali. Alesiu abvinavacili ŭ tym, što jana musiła dapamahčy «rejkavym partyzanam» Jaŭhienu Minkieviču, Dźmitryju Klimavu, Uładzimiru Aŭramcavu vyjechać ź Biełarusi.
Spačatku jaje vinavacili ŭ «ździajśnieńni terarystyčnaha akta hrupaj asob pa papiaredniaj zmovie», ale paśla spravu pierakvalifikavali na «naŭmysnaje niezakonnaje pierasiačeńnie miažy arhanizavanaj hrupaj» (č. 3 art. 371 KK RB). Pra heta stała viadoma ź filma BT. Sama Bunievič, imavierna, admoviłasia davać intervju Ksienii Lebiedzievaj — zamiest jaho ŭ filmie pakazvali kavałki śledčaha ekśpierymientu.
U vyniku Alesi Bunievič prysudzili try z pałovaj hady kałonii. Ale na apielacyi prysud źmienšyli na hod.
Bunievič vyzvaliłasia pa skančeńni termina 3 maja 2024 hoda.
Vyjšła na svabodu palitźniavolenaja Alesia Bunievič
Try z pałovaj hady kałonii dali žančynie, jakaja dapamahała padpolščykam pierachodzić miažu
Prapahanda chacieła pakazać «pakajalnaje» videa z «rejkavymi partyzanami». Ale niešta pajšło nie tak