У Салігорску на зімовым небе праглянула вясёлка ФОТЫ
Здымкі вясёлкі ў небе над Салігорскам апублікавала мясцовае выданне «Шахтер».
16.12.2024 / 19:40
Папулярызатар астраноміі Віктар Малышчыц у каментары гэтай з'явы для выдання «Анлайнер» расказаў, што для зімы вясёлка — з'ява нетыповая, але цяпер, мяркуючы па ўсім, усе фактары супалі.
«Для вясёлкі неабходна, каб з неба ішлі вадкія кропелькі вады (не сняжынкі) і адначасова былі прамыя сонечныя промні. Прычым сонца павінна быць невысока. А зараз яно высока не падымаецца — 12—13 градусаў.
Ці бачыў я ўзімку вясёлку? Не, ніколі. Усё ж такі вельмі рэдка дажджы ўзімку суправаджаюцца сонцам. А сёння сапраўды пры штармавым надвор'і свяціла сонца. Падобнае бывае нячаста», — тлумачыць эксперт.
У небе пад Іўем была незвычайная з'ява ФОТАФАКТ
У Гродне моцны вецер паваліў ужо дзве навагоднія елкі, у 69 населеных пунктах праблемы са святлом