Futbolnaja zbornaja Biełarusi pajedzie hulać z tadžykami
20 sakavika nastupnaha hoda na Centralnym respublikanskim stadyjonie ŭ Dušanbe zbornaja Biełarusi maje namier zhulać tavaryski matč sa zbornaj Tadžykistana.
24.12.2024 / 17:13
Zbornaja Tadžykistana pa futbole. Fota: fft.tj
Pavodle suśvietnaha rejtynhu FIFA, siły kamandaŭ Biełarusi i Tadžykistana ciapier pryblizna roŭnyja: biełarusy na 98-m radku, tadžyki na 104-m.
U 2014 hodzie kamandy ŭžo pravodzili matč pamiž saboj, i tady zbornaja Biełarusi ŭpeŭniena pieramahła — 6:1.
Vosieńniu 2025 hoda biełarusy źbirajucca ŭziać udzieł u adboračnym turniry čempijanatu śvietu-2026, dzie trapili ŭ adnu hrupu z kamandami Hrecyi, Šatłandyi i Partuhalii albo Danii.
U pieršaj pałovie hoda ŭ ramkach padrychtoŭki da turniru zbornaja Biełarusi płanuje pravieści čatyry tavaryskija sparynhi, ale z kim buduć hulać, aprača zbornaj Tadžykistana, pakul nieviadoma.
Eks-hulca čempijanatu Biełarusi mohuć pradać u anhlijskuju premjer-lihu za 30 miljonaŭ jeŭra
Futbalistu Mudryku zabaranili treniravacca na bazie «Čełsi»