Najlepšy futbalist Biełarusi — 2021, jakoha sudzili za pratesty, praciahnuŭ kantrakt z kłubam z Mazyra
Andrej Sałaviej, jaki atrymaŭ chatniuju chimiju, praciahnie hulać u čempijanacie Biełarusi.
Andrej Sałaviej padoŭžyŭ kantrakt z mazyrskaj «Słavijaj». Jon budzie vystupać za kłub u novym siezonie.
Niadaŭna stała viadoma, što najlepšy futbalist Biełarusi — 2021 byŭ zatrymany razam z žonkaj Aksanaj pavodle palityčnaha artykuła. Muža i žonku adpuścili pad zakład, nieŭzabavie sud pryznačyŭ im pa dva hady chatniaj chimii za ŭdzieł u pratestach. Miarkujučy z usiaho, infarmacyju pra Sałaŭja siłaviki znajšli ŭ telefonie ŭ svajaka.
I da suda, i paśla Sałaviej praciahvaŭ hulać za «Słaviju» ŭ čempijanacie Biełarusi. Byli sumnievy, ci dazvolać kłubu padoŭžyć kantrakt z futbalistam, jakoha sudzili za palityku.
Sałaviej paśla padpisańnia novaha pahadnieńnia padziakavaŭ «Słavii» za davier.
«Ja ŭdziačny trenierskamu štabu i kiraŭnictvu za davier i vieru ŭ mianie, što ŭzajemna. Sa svajho boku praciahnu palapšać prafiesijnyja navyki, kab dapamahać kamandzie dasiahać vysokich vynikaŭ i radavać zaŭziataraŭ», — cytuje Sałaŭja kłubnaja pres-słužba.
U minułym siezonie futbalist doŭha adnaŭlaŭsia paśla ciažkaj traŭmy. Usiaho jon zhulaŭ u 15 matčach i zabiŭ 3 hały.
Dźmitryjeŭ raskazaŭ niemcam, čaho Łukašenka moža chacieć ad Jeŭropy20
Kamientary