Pamior biznesmien, jaki 40 hadoŭ kiravaŭ kampanijaj Suzuki
U Japonii va ŭzroście 94 hady pamior Asamu Sudzuki, jaki bolš za 40 hadoŭ uznačalvaŭ aŭtamabilnuju kampaniju Suzuki. Pryčynaj jahonaj śmierci stała limfoma.
27.12.2024 / 19:59
Asamu Sudzuki pryjšoŭ u kampaniju ŭ 1958 hodzie paśla šlubu z dačkoj adnaho ź jaje zasnavalnikaŭ, uziaŭšy jaje proźvišča. Z časam jon zaniaŭ pasadu prezidenta kampanii i zrabiŭ staŭku na vytvorčaść kampaktnych aŭtamabilaŭ nie tolki ŭ Japonii, ale i ŭ Indyi, Paŭdniova-Uschodniaj Azii i Vienhryi. Prytym kali ŭ Japonii Suzuki sastupaje bolš bujnym karparacyjam, to ŭ Indyi kampanija zajmaje kala 40% rynku.
Pad kiraŭnictvam Asamu Sudzuki prodažy Suzuki vyraśli ŭ 10 razoŭ.
Na radzimie jaho prazvali «hienijalnym sknaram». Pra jahonuju aščadnaść chadzili lehiendy. Naprykład, jon zahadvaŭ źnižać stoli na zavodach, kab aščadzić na kandycyjanavańni pavietra, a taksama lotaŭ ekanomkłasam na samalotach navat u starečym uzroście.
Asamu Sudzuki kiravaŭ kampanijaj da 2015 hoda. Na piensiju jon pajšoŭ tolki ŭ 85 hadoŭ, pieradaŭšy pasadu svajmu synu Tasichira Sudzuki.
Sam ža Asamu Sudzuki z 2015 pa 2021 hod byŭ dyrektaram i staršynioj praŭleńnia Suzuki, a apošnija hady — staršym daradcam.
Prodažy Suzuki za apošni finansavy hod, jaki zaviaršyŭsia ŭ sakaviku 2024 hoda, skłali kala 3,2 młn aŭtamabilaŭ pa ŭsim śviecie. Bolš za pałovu ź ich byli realizavanyja ŭ Indyi.
Pamior były premjer Indyi Manmachan Sinhch. Jaho ličać stvaralnikam indyjskaha ekanamičnaha cudu
U Aŭstralii pamior krakadził Biort — zorka kultavaha ŭ 1980-ja filma «Dandzi pa mianušcy «Krakadził»