U Breście pamior Siarhiej Lubčuk — viadomy ŭ horadzie kulturny dziejač, zasłužany rabotnik kultury Biełarusi. Jamu było 84 hady.
Siarhiej Lubčuk naradziŭsia 2 maja 1940 hoda ŭ Dzivinie Kobrynskaha rajona.
Skončyŭšy Bresckaje muzyčnaje vučylišča pa kłasie bajana, a paśla Biełaruskuju dziaržaŭnuju kansiervatoryju, jon pracavaŭ u Bresckim muzvučyliščy vykładčykam i tut ža kiravaŭ arkiestram ruskich narodnych instrumientaŭ.
Paśla dziasiatak hadoŭ Siarhiej Lubčuk addaŭ arkiestru i choru ansambla «Brestaŭčanka» Bresckaha elektramiechaničnaha zavoda, a ŭ 1981 hodzie stvaryŭ u Breście znakamity ansambl pieśni i tanca «Biareście» pry abłasnym Pałacy kultury prafsajuzaŭ. Hety kalektyŭ — pastajanny ŭdzielnik haradskich i abłasnych kancertaŭ, łaŭreat raznastajnych konkursaŭ i fiestyvalaŭ. Ansambl abjeździŭ z kancertami mnohija krainy śvietu. Adnačasova Lubčuk źjaŭlaŭsia mastackim kiraŭnikom narodnaj charavoj hrupy «Krasuni» bresckaj firmy «Pradtavary».
Siarhiej Lubčuk sam pisaŭ muzyku i vieršy, tvory jaho aŭtarstva ŭvajšli ŭ repiertuar nie tolki bresckich, ale i inšych kalektyvaŭ Biełarusi. Šmat tvoraŭ jon pryśviaciŭ svajoj małoj radzimie i Brestu.
Raźvitańnie ź Siarhiejem Lubčukom adbudziecca ŭ niadzielu, 22 śniežnia, u 12.00 u nižnim chramie Śviata-Vaskrasienskaha sabora pa adrasie vuł. Maskoŭskaja, 271.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary