Dvajniki viadomych biełarusaŭ. I nie kažycie, što nie zadumvalisia pra ich padabienstva
Adny biełarusy nahadvajuć haračych halivudskich akcioraŭ, inšyja — sastarełych rasijskich čynoŭnikaŭ.
02.01.2025 / 20:53
Minułyja padborki dvajnikoŭ biełarusaŭ — pieršaja častka i druhaja.
Vadzim Prakopjeŭ i Ben Kinhśli
Fota: skrynšot videa, kadr ź filma «Vostraŭ praklatych»
Były minski restaratar i palityčny dziejač Vadzim Prakopjeŭ umieje vykazvacca vostra i elehantna. Jość u hetym niejkaje padabienstva ź piersanažami — kiemlivymi hierojami abo złodziejami-intelektuałami, — jakich vypadała hrać vybitnamu brytanskamu akcioru Benu Kinhśli.
Ivan Šyła i Poł Mieskał
Fota: sacsietki, kadr ź filma «Hładyjatar-2»
28-hadovy irłandski akcior Poł Mieskał — zorka i seks-simvał dla novaha pakaleńnia. Jon staŭ viadomym paśla sieryjała «Narmalnyja ludzi», a ŭ «Hładyjatary-2» blistaŭ u hałoŭnaj roli. Ivan Šyła taksama zorka — tolki nie ŭ kinaindustryi, a ŭ klininhu. I pryznany śviecki leŭ u minułym.
Pavieł Šurmiej i staražytny biełarus z-pad Vaŭkavyska
Fota: «Naša Niva», rekanstrukcyja antrapołahaŭ
Niadaŭna antrapołahi rekanstrujavali tvar čałavieka, jaki žyŭ kala Krasnaha Siała, što na terytoryi sučasnaha Vaŭkavyskaha rajona Hrodzienskaj vobłaści, u 2100—1500 hadach da n. e. Mnohija, pabačyŭšy rekanstrukcyju, uskliknuli: heta ž Pavieł Šurmiej! Mužny kamandzir Pałka Kalinoŭskaha z baradoj, darečy, taksama rodam z Hrodzienščyny — ź Lidy.
Kola Łukašenka i Alaksiej Varabjoŭ
Fota: «Biełsat», sacsietki
Kali Kola Łukašenka pastaleŭ, u sacsietkach stali źjaŭlacca jaho fan-supołki. «Kraš usieja Rusi» — prazvali jaho niekatoryja rasijskija ŚMI. Mahčyma, rasijskija dziaŭčaty ŭpadabali syna biełaruskaha dyktatara praź jaho padabienstva z rasijskim śpievakom i byłym futbalistam Alaksiejem Varabjovym.
Jahajła i Pedra Paskal
Fota: commons.wikimedia.org / Gage Skidmore
Historyju polskaha karala i vialikaha kniazia litoŭskaha Jahajły (i jaho supraćstajańnia ź Vitaŭtam) mnohija pamiatajuć jašče sa školnych padručnikaŭ. Jaho rysy ŭhadvajucca ŭ Pedra Paskali — haračym čylijska-amierykanskim akciory, zorcy sieryjałaŭ «Apošnija z nas», «Narka», «Hulnia tronaŭ».
Alaksandr Kosiniec i Mikałaj Patrušaŭ
Fota: skrynšot videa BT, Dziaržduma RF
Treba skazać, što biełaruskich čynoŭnikaŭ byvaje składana adroźnivać — u sistemie im adviedziena biezabličnaja funkcyja. Ale inicyjatyŭnamu Alaksandru Kosincu Łukašenka akazaŭ vialiki davier i zrabiŭ svam namieśnikam va Usiebiełaruskim narodnym schodzie. Rasijski čynoŭnik Mikałaj Patrušaŭ, u minułym sakratar Rady biaśpieki RF, ciapier pamočnik Pucina. Jamu daručana kuryravać karablebudaŭnictva.
Dvajniki viadomych biełarusaŭ: składana pavieryć, što heta nie svajaki
Dvajniki viadomych biełarusaŭ — častka 2. Ad padabienstva niekatorych vy ačmurejecie