Navahodni zvarot Cichanoŭskaj abahnaŭ prahlady Łukašenki. Z čym heta źviazana?
Sioletni navahodni zvarot Śviatłany Cichanoŭskaj maje ŭžo 573 tysiačy prahladaŭ na jutubie. Spytalisia pra detali takoj papularnaści ŭ Hanny Krasulinaj, pres-sakratarki Cichanoŭskaj.
03.01.2025 / 17:55
Krasulina raskazvaje, što ŭviečary 1 studzienia 2025 hoda kamanda pastaviła zvarot Cichanoŭskaj na pakaz u jakaści rekłamy pry prahladzie inšych videa. U rekłamie rolik tarhietavali na Biełaruś. Pavodle słovaŭ pres-sakratarki, hłybinia rekłamnych prahladaŭ videa prykładna takaja ž, jak i pry achopie zvyčajnym, arhaničnym čynam.
Što da taho, adkul hladziać zvarot, to pa stanie na ranicu 3 studzienia amal 80% prahladaŭ naležać karystalnikam ź Biełarusi. Na druhim miescy — Polšča, dalej iduć Hiermanija, ZŠA i Ukraina.
Sumu, patračanuju na rekłamu, Krasulina nie nazvała.
U vyniku kolkaść prahladaŭ u Cichanoŭskaj akazałasia istotna vyšejšaj za pakazčyki zvarotu Alaksandra Łukašenki. Jaho vystup pakazvali, akramia TV, na čatyroch jutub-placoŭkach — kanałach BiełTA, ANT, STB i news.by (były jutub-kanał BT). U sumie zvarot nabraŭ na siońnia 438 tysiač prahladaŭ.
Dziaržaŭnyja prapahandysty časta staviać videa z Łukašenkam na rekłamu — pryčym nie abaviazkova navat na Biełaruś. Ci apłačvałasia rekłama ciapier, nieviadoma.
Kaho hladzieli bolej i što ŭ kamientarach? Paraŭnali navahodnija zvaroty Cichanoŭskaj i Łukašenki
Navahodni zvarot Cichanoŭskaj byŭ spałučany ź videarolikam pra žyćcio adnoj siamji
Cichanoŭskaja adkazała na navahodni zvarot Zialenskaha