Ci mierznuć u myšej chvasty?
Dzikija myšy, takija jak myšy lasnyja i palavyja, zimoj vymušanyja šukać ježu navat u marazy. Ale ich tonkija chvasty, jakija amal nie pakrytyja poŭściu, pry hetym nie abmiarzajuć. Jak takoje mahčyma? Tłumačyć telehram-kanał «Dzikaja pryroda pobač».
14.01.2025 / 20:16
Palavaja myš. Fota: Vital Niekraševič
Polskija navukoŭcy daśledavali hety fienomien u naturalnych umovach. Jany ŭstalavali ekśpierymientalnyja boksy z kamierami i termomietrami, a kab pryvabić u hetyja pastki-łabaratoryi myšej, vykarystoŭvali… arechava-šakaładny krem.
Vyjaviłasia, što tempieratura chvastoŭ myšej u maroznyja dni moža apuskacca da -5°C, nie vyklikajučy paškodžańnia tkanak. Kali tempieratura robicca krytyčnaj, myšy instynktyŭna abkručvajuć chvasty vakoł cieła, kab abahreć ich.
Taki miechanizm adaptacyi dazvalaje hryzunam ekanomić enierhiju. Pry ŭmieranym choładzie jany nie marnujuć resursy na nahravańnie chvasta, pakolki straty ciapła na hetym učastku minimalnyja.
Hetyja nazirańni — pieršy zafiksavany vypadak, kali ŭ sysunoŭ, jakija nie hibiernujuć, tempieratura pieryfieryjnych častak cieła apuskajecca nižej za nul. Heta jašče adzin dokaz hienijalnaści pryrodnych miechanizmaŭ vyžyvańnia.
Biełaruska padabrała na vulicy vavierčania. Jak vyjaviłasia, darma
Samalot, jaki lacieŭ z Osła ŭ Małahu, vymušana sieŭ u Danii z-za myšy
U padjeździe viciebskaj šmatpaviarchoŭki na ludziej kidajucca pacuki