На рынку смартфонаў больш не будзе брэнда Nokia
Фінская кампанія HMD Global, якая распрацоўвае і прадае смартфоны Nokia, зняла іх з продажу. На сайце кампаніі тэлефоны больш недаступныя для пакупкі.
15.01.2025 / 21:42
Фота: Ying Tang/NurPhoto via Getty Images
Продажы смартфонаў Nokia спыненыя, кампанія HMD Global цалкам перайшла на выкарыстанне ўласнага брэнда.
Цяпер на сайце прадаўца смартфоны і планшэты Nokia перанесеныя ў асобную ўкладку «састарэлых» прылад і пазначаныя надпісам: «Гэты тэлефон больш не даступны».
Купіць на партале HMD можна толькі апошнія мадэлі смартфонаў уласнага брэнда — HMD Key, Arc, Skyline, Fusion, Aura і Pulse.
Пры гэтым кампанія плануе працягваць выкарыстоўваць брэнд Nokia, але толькі для простых і недарагіх кнопкавых тэлефонаў.
Адной з прычын пакідання Nokia рынку аказалася яе няздольнасць канкураваць з гігантамі галіны Apple і Samsung. Фінскі брэнд не змог укараніць значныя інавацыі ў вытворчасць для канкурэнцыі з лідарамі рынку.
Каліноўскі, Шрэк, Nokia 3310. Ціханоўская запоўніла анкету, як у дзяцінстве