У Гродзенскім заапарку найлепшымі сяброўкамі сталі каза і сабака
Супрацоўнікі Гродзенскага заапарка падзяліліся кранальнай гісторыяй: лайка Вейса і каза Пудра жылі ў суседніх вальерах ветэрынарнага корпуса. Але аднойчы хтосьці збіў замок, і на раніцу жывёл пабачылі падчас сумеснай прагулкі. Пасля таго ветэрынары вырашылі больш не раз'ядноўваць суседак.
15.01.2025 / 23:01
Скрыншот з відэа
Улетку казу перамясцілі ў іншую частку заапарка, і лайка затужыла — перастала ісці на кантакт з людзьмі. Прыйшлося вяртаць Пудру да сваёй сяброўкі.
Калі ў Пудры з'явіліся казляняты, Вейсу аддзялілі ад сям'і. Але малыя пралазілі праз краты, а сабака пачала клапаціцца пра іх: «абараняла брэхам ад людзей, якія праходзяць міма, і грэла сваім густым футрам».
Як пішуць супрацоўнікі заапарка, Вейса працуе начным вартаўніком у службе аховы, а Пудра — «малочнай кухняй». Менавіта яе малаком выкормліваюць зверанят, ад якіх адмовіліся маці, і падкінутых маладых жывёл.
Брытанскі заапарк выпусціў на волю рэдкіх слімакоў
У краме ў Гродне адкрылі скрынку з хурмой. А там — гекон
У Мінскім заапарку выбралі сімвал 2025 года
У Гродзенскім заапарку нарадзіўся кітайскі мунтжак
У Мінскі заапарк пераехаў леапард, якога вывезлі з акупаванага расіянамі Сватава