Klimat źmianiajecca i heta niepaźbiežna. Zakranuć hetyja źmieny kožnuju krainu pa-roznamu.
Eco experts stvaryli infahrafiku z vykarystańniem dadzienych Notre Dame Global Adaptation (ND-Gain) Index, štohadovym rejtynhu krainaŭ pa zdolnaści adaptavacca da klimatyčnych źmienaŭ.
Na mapie zialonym koleram adznačajucca krainy ź lepšym rejtynham, čyrvony koler adpaviedna aznačaje horšyja pazicyi. Varta skazać, što havorka idzie mienavita pra cełyja krainy, a nie peŭnyja terytoryi ci harady. Naprykład, Niderłandy majuć dastatkova vysokuju 21-ju pazicyju ŭ rejtynhu, ale heta nie aznačaje taho, što Amsterdam nie źmienić abličča z-za padniacca ŭzroŭniu vady. Toje samoje z ZŠA i Ńju-Jorkam ci Majami. Havorka pra ahulnyja mahčymaści, resursy i infrastrukturu krainy - ludzi mohuć pierajazdžać dalej ad plažaŭ Fłarydy ŭhłyb, vykarystoŭvajučy transpartnyja vuzły, aeraporty. Važna, kab było kudy pierajazdžać.
Biełaruś pavodle rejtynhu maje 44 pazicyju, miž Łatvijaj i Baŭharyjaj. «Nizkaja adznaka uraźlivaści i vysokaja hatoŭnaść… Prablemy adaptacyi jašče isnujuć, ale Biełaruś maje dobryja mahčymaści dla adaptacyi. Biełaruś 53-ja siarod najmienš uraźlivych krainaŭ i 42-ja siarod samych padrychtavanych» adznačajecca na sajcie arhanizacyi.
U pieršaj trojcy Narviehija, Novaja Ziełandyi i Šviecyja. Najvialikšyja prablemy, pavodle ekśpiertaŭ, uźniknuć u Čadzie, Erytrei i Burundzi.
Najbolš prablematyčnaja situacyja čakajecca ŭ Afrycy, vynikaje ź infahrafiki
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni6
Kamientary