New York Times: Avijadyśpietčar źbieh ź Biełarusi ŭ Polšču i raskazaŭ pra pasadku Ryanair
Były avijadyśpietčar raskazaŭ polskim śledčym usio, što jamu viadoma ab pasadcy samalota z Pratasievičam, piša New York Times.
Vydańnie paviedamlaje, što były dyśpietčar pieradaŭ padrabiaznyja dokazy taho, što pasadka samalota Ryanair prachodziła ŭ ramkach apieracyi biełaruskich śpiecsłužbaŭ.
Dyrektar Departamienta nacyjanalnaj biaśpieki Polščy Stanisłaŭ Žaryn raskazaŭ, što palakam udałosia «atrymać spravazdaču niepasrednaha śviedki dziejańniaŭ na dyśpietčarskaj vyšcy ŭ Minsku».
Pa słovach śviedki, supracoŭnik KDB u dzień pasadki samalota znachodziŭsia ŭ dyśpietčarskaj vyšcy i ŭ vyrašalny momant uziaŭ pad kantrol avijadyśpietčara. Na praciahu ŭsiaho incydentu aficer KDB padtrymlivaŭ pastajannuju telefonnuju suviaź z kiraŭnictvam.
Pierabiežčyk ciapier dapamahaje polskim prakuroram pabudavać jurydyčnuju bazu suprać biełaruskich čynoŭnikaŭ na budučym sudzie.
Imia dyśpietčara — Aleh Halehaŭ, jon etničny hruzin, žanaty na biełaruscy. Dziažuryŭšy na dyśpietčarskaj vyšcy padčas incydentu z Ryanair, Halehaŭ byŭ adkazny za toje, kab paviedamić piłotu samalota, što na borcie była bomba i što jon pavinien spynić palot u Vilniu i pryziamlicca ŭ Minsku z «mierkavańniaŭ biaśpieki».
Pra dyśpietčara čytajcie ŭ našym ekskluziŭnym materyjale: Krynicy: dyśpietčar, jaki sadziŭ samalot z Pratasievičam, źjechaŭ razam ź siamjoj
Z momantu svajho źniknieńnia ź Biełarusi letam avijadyśpietčar vydaliŭ usie svaje akaŭnty ŭ sacyjalnych sietkach.
Jon pieršapačatkova źviazaŭsia z pasolstvam ZŠA ŭ Varšavie, ale amierykancy nakiravali jaho da polskich uładaŭ.
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA27
Kamientary