Nie skažu, što viedaŭ asabista... Niejak ź siabram pajechali ŭ vandroŭku, zajechali na voziera Ivieś (Hłybocki r-n) na ahrasiadzibu "Zapaviedny vostraŭ"  Alaksandra Ćvirki. Kali razmaŭlali z haspadarom, padyjšoŭ da nas nie dzied, a mužyk u roskvicie sił... Pradstaviŭsia -- prafiesar Fama Varaniecki. Skazaŭ, što možacie mianie viedać pa filmu "Dziaržaŭnaja hranica", jaki zdymaŭsia ŭ Dziśnie. -- U Dziśnie! Siabra, kiroŭca aŭta, byŭ z rodam ź Dzisny, choć žyŭ u Hłybokim. Nu ŭžo havorki stałasia ŭ ich na paru hadzinaŭ. A jak ža! U Dziśnie źniata 8 (vosiem) filmaŭ kinastudyjaj "Biełaruśfilm". Fama Varaniecki skazaŭ, što žyvie tut la ahrasiadziby stała štohod -- uvieś ciopły siezon, zimoj -- u Minsku. Pakazaŭ svoj salidny namiot, pobač -- na bierazie inšaha nievialikaha voziera. Unutry ŭsio jak treba: stolik, posud, łožak, elektryčnaść... I šmat vudaŭ! -- Łaŭlu padleščykaŭ u hetym aziarcy.  "Na davolśvii sastaju ŭ Ćvirki"-- skazaŭ. To bok abiedaŭ, viačeraŭ -- na ahrasiadzibie. Jak ja razumieju A. Ćvirka, syn biełaruskaha mastaka, to nie dziva, što jany pasiabravali. -- Chadziem, pakažu svaje karciny, ja ich tut pišu. Dyk na ahrasiadzibie ich -- cełaja halereja!