Afarboŭka ścien — vydatny sposab aśviažyć svoj dom. Ale niekatoryja kolery, pa słovach ekśpiertaŭ, zrobiać prastoru nie vielmi ŭtulnaj. Taksama, kali vy źbirajeciesia pradavać žytło, jany mohuć źnizić jaho canu.
Niekatoryja kolery ścien u kvatery mohuć sapsavać ahulny styl i zrabić vaš dom tannym i nie vielmi pryvabnym, miarkuje ekśpiert pa dyzajnie interjera Rajan Makdonaf. Voś kolery, jakich jon raić paźbiahać, piša Express.co.uk.
1. Ciomna-karyčnievy abo terakotavy
Tady jak niekatoryja adcieńni bežavaha mohuć stvaryć adčuvańnie ciapła, karyčnievy koler ekśpierty nie rajać vykarystoŭvać.
Pa słovach Rajana, «ciomna-karyčnievyja i terakotavyja adcieńni mohuć zrabić vaša žytło ciomnym, brudnym i maleńkim», tamu lepš nie farbavać u hety koler usie ścieny. Adnak karyčnievyja akcenty mohuć być u dekory — hałoŭnaje, kab hety koler nie pieravažaŭ.
Karyčnievyja ci terakotavyja ścieny mohuć navat źnizić canu vašaha doma, što nie vielmi dobra dla tych, chto płanuje ŭ chutkim časie pradać svajo žytło. Zamiest nazvanych adcieńniaŭ lepš prytrymlivacca bolš niejtralnaha ci pryhłušanaha bežavaha tonu.
2. Jarka-žoŭty
Choć žoŭty — vielmi ciopły i soniečny koler, jaho varta paźbiahać, kali vy nie chočacie, kab vaš dom vyhladaŭ tanna.
Pa słovach ekśpierta, taki nasyčany koler stymuluje emocyi, ale nie ŭ dobrym sensie. Jarka-žoŭty moža vyklikać praźmiernaje ŭzbudžeńnie, tryvohu abo niervovaść.
Rajan taksama adznačaje, što žoŭty «zachoplivaje ŭładu ŭ pakoi» tak, što moža navat pačać pryhniatać. Taksama jon mocna adciahvaje ŭvahu i robić inšyja elemienty pakoja nieprykmietnymi.
Tym, chto choča vykarystać žoŭty koler u dekory svajho doma, Rajan rekamienduje zrabić žoŭtaj tolki adnu ścianu abo niekalki pradmietaŭ.
3. Zialony moch
Ličycca, što zialony koler vielmi rassłablaje i supakojvaje. «Adnak lepš paźbiahać adcieńniaŭ mochu i šałfieju», — kaža dyzajnier.
Pa słovach Rajana, hetyja kolery mohuć zrabić pakoj ciomnym i brudnym. Taksama kvatera ŭ takich kolerach vyhladaje našmat mienšaj, čym jość.
«Zamiest hetaha lepš abrać pastelnyja ci pryhłušanyja zialonyja adcieńni. Hetyja alternatyŭnyja tony dapamohuć vam ažyvić pakoj i dadać prastory spakoju».
4. Hłyboki fijaletavy
Jarkija fijaletavyja adcieńni, jak viadoma, vielmi stymulujuć. Choć heta moža być dobra dla ofisa, a nie dla pakojaŭ u kvatery.
Rajan papiaredžvaje: «Ciomna-fijaletavy asabliva nie padychodzić dla spalni, bo viadoma, što jon vyklikaje jarkija sny, a časam navat i kašmary».
Pavodle jaho słoŭ, ciomna-fijaletavyja adcieńni buduć lepš hladziecca ŭ jakaści akcentaŭ, a nie jak asnoŭnaja farba dla ścien.
Tym nie mienš, kali vy ŭsio adno chočacie pafarbavać pakoj u fijaletavy koler, lepš vykarystoŭvać śvietłyja varyjanty fijaletavaha, naprykład, bezavy ci łavandavy.
5. Kolery, blizkija da biełaha, abo jaječnaja škarłupina
Mnohim ludziam padabajecca, jak vyhladajuć niejtralnyja, blizkija da biełaha ścieny. Adnak Rajan źviartaje ŭvahu, što heta moža zrabić pakoj «biezžyćciovym abo blakłym».
Jon kaža: «Kaliści adcieńni biełaha i koler jaječnaj škarłupiny byli vielmi papularnyja. Adnak siońnia heta ŭžo nie tak, bo ludzi zaŭvažyli, što takija adcieńni robiać pakoj sumnym, biezžyćciovym i blakłym. U asnoŭnym heta źviazana z tym, što jany nie dajuć nijakaj jarkaści.
«Taksama aśviatleńnie ŭ pakoi moža zrabić kolery, blizkija da biełaha, blakłymi i tannymi.
Hetyja adcieńni taksama mohuć źmienšyć canu vašaj nieruchomaści. Lepš abrać bolš jarki bieły ton ci ŭvohule inšy koler».
Łukašenka ŭpieršyniu źjaviŭsia na publicy razam z mamaj Koli26
Kamientary
Kak dostali so svoimi idiotizma i.