Stała viadoma, što niekalki kampanij z Rasii padali novyja iski ŭ sud da zakrytaj u Biełarusi sietki «Vitalur». Siarod ich — rasijskaja kandytarskaja fabryka «Pieramoha», jak vynikaje z bazy arbitražnych sudoŭ Rasii.
Iskavaja zajava «Pieramohi» pakul jašče nie apublikavanaja, nieviadomaja i suma doŭhu. Sprečku pamiž «Vitaluram» i «Pieramohaj» buduć razhladać u Maskvie.
Akramia taho, byŭ padadzieny isk ad kampanii z Sankt-Pieciarburha «TI-HRUP», jakaja źjaŭlajecca pastaŭščykom harbaty, kavy, kakavy. Razam z tym, hrošy taksama choča atrymać bujnaja aptovaja kampanija «NP-Servis».
Jašče adzin isk u sud byŭ padadzieny ad kampanii «Natur Teknoładžys», jakaja zajmajecca fasoŭkaj kavy i harbaty. Maje pretenzii i kampanija «Frymienaŭta», jakaja pastaŭlaje charčovyja dabaŭki, a taksama zajmajecca vytvorčaściu kandytarskaj i bułačnaj pradukcyi.
Pa stanie na 14 krasavika 2023 hoda ŭ rasijskich sudach znachodziacca 12 iskaŭ ad pastaŭščykoŭ u dačynieńni da handlovaj sietki «Vitalur». Paviedamlajecca, što jašče jak minimum try iski byli pryniatyja ekanamičnym sudom Minskaj vobłaści.
«Vitalur» z-za daŭhoŭ niadaŭna vymušany byŭ pieradać svaje kramy sietcy «Santa» («Santa Rytejł»). Dziakujučy hetamu apošniaja vyrasła z 250 da 308 kram.
Zdajuć u arendu katedž zahinułaha chakieista Cypłakova. Voś interjery FOTY13
Kamientary