«Palityka hieraizacyi Bandery pamyłkovaja, bo pakidaje ŭkraincaŭ na baku tych, chto prajhraŭ u Druhoj suśvietnaj» — Łatyšonak
U novym vypusku «Tok» prafiesar Aleh Łatyšonak daŭ svaju acenku histaryčnaj palityki Ukrainy.
Historyk Aleh Łatyšonak adznačyŭ, što ličyć vialikaj pamyłkaj ukraincaŭ hieraizavać Ściapana Banderu — kiraŭnika Arhanizacyi ŭkrainskich nacyjanalistaŭ, jaki byŭ zabity KDB u 1959 hodzie. Ale jašče bolšaj pamyłkaj, na dumku prafiesara, źjaŭlajecca stvareńnie nacyjanalnaha hieroja ź inšaha dziejača — kamandujučaha Ukrainskaj paŭstanckaj armii (UPA) Ramana Šuchieviča — i ŭ cełym hieraizacyja UPA.
«Bandera byŭ prosta niaŭdałym palitykam. Jon pastaviŭ na sajuz z Hiermanijaj. A akazałasia, što Treciamu Rejchu nijakaha sajuza z Ukrainaj nie treba. Kali ŭkraincy stvaryli ŭrad u Lvovie, to niemcy jaho razahnali, a Banderu pasadzili ŭ turmu. Tam jon prasiedzieŭ usiu vajnu. Tak što niemahčyma jaho hieraizavać».
Historyk taksama ličyć niasłušnym stvareńnie z Bandery niejkaj demaničnaj siły: «Jon słužyć niejkim simvałam, na jakoha skidajecca ŭsio mahčymaje. Ale jon nie mieŭ nijakaha ŭpłyvu na historyju».
Našmat horšym za Banderu, adznačaje Łatyšonak, zjaŭlajecca Šuchievič. Jaho jon nazyvaje «prosta złačyncam», kiraŭnikom UPA, jakaja «mieła absalutna fašysckuju, złačynnuju ideałohiju».
Łatyšonak havoryć, što UPA zmahałasia z Savieckim Sajuzam, ale «zanadta jana ź im nie pazmahałasia, bo była słaboj». Historyk nahadvaje, što «pierš za ŭsio jana vyrazała 100 tysiač nievinavatych palakaŭ» i adznačaje:
«Ja liču palityku hieraizacyju UPA, Bandery i Šuchieviča vielmi pamyłkovaj tamu, što heta pakidaje ŭkraincaŭ na baku tych, chto prajhraŭ u Druhoj suśvietnaj vajnie».
Łatyšonak źviartaje ŭvahu na tuju akaličnaść, što ciapier u śviecie historyja bolš pradstaŭlajecca jak historyja achviaraŭ, a nie pieramožcaŭ. U takim kantekście vielmi słušnym byŭ histaryčny pasył Ukrainy śvietu, pabudavany na Haładamory.
Hladzicie całkam:
Čytajcie jašče:
Napad Rasii zmusiŭ ukraincaŭ inšymi vačyma pahladzieć na Banderu
Jakimi rabami handlavaŭ Navahradak i jak na hetym azałaciŭsia
Kamientary
"Ja trochi fihieju ad taho, jakich piersanažaŭ ciahnuć u našuju prastoru. Kali ŭjavić, što hetaha čałavieka pradstaŭlajuć nie jak prafiesara, to ja vižu niejkaha polskaha dzieda la padjezda ź viniehretam u hałavie. Jon supiarečić sam sabie i svajoj łohicy kožnyja 10 chvilin".