Pamierła najstarejšaja ściuardesa śvietu. Jaje pracoŭny staž naličvaŭ 70 hadoŭ
Jana pražyła 88 hadoŭ.
Beci Neš, ściuardesa z samym vialikim stažam u śviecie, pamierła va ŭzroście 88 hadoŭ paśla amal 70 hadoŭ bieśpierapynnaj pracy. Pra śmierć Neš paviedamiŭ jaje pracadaŭca, kampanija American Airlines, piša Bi-bi-si.
«Jana pačała svaju karjeru ŭ 1957 hodzie i była zaniesiena ŭ Knihu rekordaŭ Hiniesa jak ściuardesa z samym vialikim stažam pracy», — paviedamili ŭ avijakampanii.
«Beci natchniała pakaleńni bortpravadnikoŭ. Laci vysoka, Beci», — havorycca ŭ paviedamleńni American Airlines.
Neš pačała pracavać u kampanii Eastern Airlines, papiarednicy American Airlines, na rejsie pamiž Vašynhtonam, akruha Kałumbija, dzie jana žyła, i Bostanam. Jana addavała pieravahu hetamu karotkamu maršrutu, tamu što tak mahła pravodzić kožnuju noč doma.
Pieršapačatkova jana mieła namier praź niekalki hadoŭ źmianić maršrut, ale ŭ vyniku zastałasia, i ŭ vyniku jaje viedali i lubili ŭsie pasažyry, jakija časta lotajuć.
«Ludzi ŭsie adnolkavyja, — skazała jana ŭ intervju amierykanskamu CBS News u 2017 hodzie. — Usim treba krychu lubovi».
Pa danych amierykanskich ŚMI, jana pamierła 17 maja ŭ chośpisie. Niadaŭna ŭ jaje dyjahnastavali rak hrudziej.
Asacyjacyja prafiesijnych bortpravadnikoŭ, prafsajuz, členam jakoha była Beci Neš, paviedamiła CBS, što zasmučanaja jaje śmierciu:
«U hety ciažki čas našy dumki — ź jaje rodnymi i siabrami. Beci zaŭsiody budzie nieadjemnaj častkaj našaj historyi, i jaje nie zabuduć».
Beci Neš uvajšła ŭ Knihu rekordaŭ Hinesa jak samaja staraja ściuardesa ŭ śviecie jašče ŭ 2022 hodzie, kali joj było 86 hadoŭ.
Trahiedyja ŭ Dokšycach: skončyła žyćcio samahubstvam 15-hadovaja viaskovaja vydatnica1
Kamientary