Va ŭzroście 100 hadoŭ u Izraili pamior Siamion Simkin, jaki ŭ 90 hod vyjhraŭ zabieh na 10 tysiač mietraŭ
Jon byŭ uradžencam Biełarusi.
Va ŭzroście 100 hadoŭ pamior Siamion (Šyman) Simkin — vieteran Druhoj suśvietnaj vajny, jaki ŭ 2015 hodzie vyjhraŭ čempijanat śvietu pa marafonskim biehu va ŭzrostavaj katehoryi 90+, piša Newsru.co.il. Tady čytačy vydańnia pryznali jaho spartsmienam hoda.
U 2016 hodzie, adkazvajučy na pytańnie: «U čym sakret tryvałaści i aptymizmu vašaha pakaleńnia?», Simkin skazaŭ: «Ja asabliva nie zadumvaŭsia. Viedajecie, ja ros u vielmi biednaj siamji. U 1932-33 hadach, kali byŭ hoład. Baćka pamior, kali mnie było čatyry hady, tak što maci nas hadavała. U jaje praca była — źbirać utylsyravinu pa vioskach. Jaje tam viedali i častavali — chto čym. Tak što vučyšsia šanavać toje, što jość. Ja žyćcialub, vielmi kamunikabielny, lublu kantaktavać ź ludźmi».
Siamion Simkin naradziŭsia ŭ Biełarusi, u miastečku Lady na Viciebščynie.
Skončyŭšy siem kłasaŭ škoły, źjechaŭ u Leninhrad, kab vučycca ŭ technikumie darožnaha budaŭnictva. U 1943 hodzie byŭ prykamandziravany da 685-ha artyleryjskaha pałka ŭ jakaści suviazista (adkazvaŭ za telefonnuju suviaź). Pačaŭ słužbu na Zachodnim froncie ŭ rajonie Rževa i Smalenska. Uletku 1943 hoda jaho nienadoŭha pieraviali na poŭdzień, udzielničaŭ u bajach na Kurskaj duzie. Dvojčy byŭ paranieny. Byŭ uznaharodžany ordenam Słavy III stupieni.
Paśla vajny Siamion Simkin inicyjavaŭ uviekaviečańnie pamiaci jaŭrejaŭ, zabitych nacystami ŭ Ladach. Jon udzielničaŭ u ekshumacyi i pierapachavańni ciełaŭ u 1966 hodzie.
U 1998 hodzie Simkin repatryjavaŭsia ŭ Izrail.
Va ŭzroście 90 hadoŭ Simkin vyjhraŭ čempijanat śvietu pa marafonskim biehu va ŭzrostavaj katehoryi 90+, prabiehšy dystancyju 10.000 mietraŭ za 1 hadzinu 20 chvilin i 1 siekundu.
Jon taksama atrymaŭ siarebrany miedal u zabiehu na 5000 mietraŭ, i ŭ tym ža hodzie vyjhraŭ čempijanat Jeŭropy, jaki prachodziŭ u Italii.
Dla KDB pabudujuć asobnuju balnicu na VIP-uzroŭni7
Kamientary