Tempieratura pavietra budzie ŭźnimacca vyšej za +30°C, istotnych apadkaŭ nie čakajecca, raspavioŭ sinoptyk Dźmitry Rabaŭ na ANT.
U pačatku tydnia budzie biez značnych apadkaŭ. Ranicaj miescami mahčymy tuman. Unačy tempieratura budzie vahacca ad 12 da 17 hradusaŭ ciapła, dniom u paniadziełak čakajecca 26-32 hradusy vyšej za nul, u aŭtorak, 3 vieraśnia, — ad 28 da 34 hradusaŭ.
U siaredzinie tydnia antycykłon praciahnie ŭpłyvać, budzie naziracca pieramiennaja vobłačnaść biez značnych apadkaŭ. Viecier umierany, uschodniaha napramku. Unačy i ranicaj miescami mahčymy tuman. Načnyja tempieratury składuć ad plus 12 da plus 17 hradusaŭ, a ŭ sieradu čakajecca da 31 hradusa.
U pačatku druhoj pałovy tydnia ŭ rehijonie pa-raniejšamu budzie pieravažać zona vysokaha atmaśfiernaha cisku. Daždžoŭ nie pradbačycca. Ranicaj na niekatorych učastkach mahčymy tuman, viecier budzie ŭmieranaj siły. Unačy tempieratura pavietra składzie ad 12 da 17 hradusaŭ ciapła. U čaćvier, 5 vieraśnia, dniom čakajecca ad plus 28 da plus 31 hradusa, a ŭ piatnicu — 26-31 hradus vyšej za nul.
U vychodnyja, 7 i 8 vieraśnia, čakajecca pieramiennaja vobłačnaść biez značnych apadkaŭ. Unačy tempieratura zastaniecca ciopłaj — ad plus 11 da plus 17 hradusaŭ, a ŭ siaredzinie dnia ŭ subotu składzie 28-33 hradusy vyšej za nul, u niadzielu — ad 25 da 31 hradusa.
«My dla ich — miasa». Palitviazień vyjšaŭ ź miełanomaj, jon uskładaje vinu na načalnicu sančaści i prymusovaje haleńnie hałavy6
Kamientary