Dron upaŭ daloka ad nasielenych punktaŭ.
Rasijski dron typu «šachied», jaki mahčyma prylacieŭ ź Biełarusi i ŭpaŭ u subotu na ŭschodzie Łatvii, byŭ načynieny vybuchoŭkaj, paviedamiła kiraŭnictva Nacyjanalnych uzbrojenych sił krainy, piša Delfi.lv.
Bieśpiłotnik byŭ deaktyvavany, i ciapier pravodzicca jaho analiz.
Na praciahu ŭsiaho incydentu łatvijskija siły abarony sačyli za situacyjaj i supracoŭničali z partniorami pa NATA.
Ministr abarony Andrys Spruds na pres-kanfierencyi zajaviŭ, što Łatvija ŭžo ŭzmacniaje supraćpavietranuju abaronu na ŭschodniaj miažy.
Miž tym, u samakiravańni Rezeknienskaha kraju ahienctvu LETA zajavili, što paciarpieły avaryju ŭ subotu, 7 vieraśnia, rasiejski vajskovy dron upaŭ daloka ad jakich-niebudź nasielenych punktaŭ.
Avaryja drona nie ŭvachodzić u kampietencyju kamisii samakiravańnia pa hramadzianskaj abaronie, i za ŭsimi pracesami sočyć abaronnaje viedamstva krainy, ŭ suviazi z hetym municypalnyja słužby nie byli zadziejničanyja.
Kamientary